Muhalifet namzeti Yuriy Boyko saylavnıñ birinci basamağınıñ neticelerinde “müsbet taraflar”nı köre.
“Bugünki rejimniñ deñiştirilmesi - bu ukrainlerniñ talabıdır, ve o saylavnıñ endi birinci basamağında açıq-aydın köründi.Men adamlarğa minnetdarım ve ekinci turda da böyle areketler olacağına işanam. Adamlar, memleket taqdiri içün mesüliyetligini duya - olar daa beş yıl cenk ve qalabalıqta yaşamağa istemey. Bu saylavlarnıñ müsbet tarafıdır, ve men böyle olıp çıqqanından pek memnünim”, - dedi Boyko, dep bildire Azatlıq Radiosınıñ ukrain bölügi.
Onıñ aytqanına köre, ekinci basamaqnıñ da yalan ve aldatmasız keçkeni pek müim.
Saylav protokollarnıñ 71,27% baqılğan soñ, Merkeziy Saylav Komissiyası bildirgenine köre, Volodımır Zelenskıy alâ daa cedvelniñ ögünde (30, 46%), ekinci yerde Petro Poroşenko (16,16%). Ondan soñ Yuliya Tımoşenko (13,15%), Yuriy Boyko (11,54%), Anatoliy Ğrıtsenko (7,05%).
Martnıñ 31-inde Ukrainada prezident saylavları keçti. Saylavda iştirak 63,5% edi.
Milliy ekzitpolnıñ bildirgenine köre, Volodımır Zelenskıy 30,6%, Petro Poroşenko - 17,8%, Yuliya Tımoşenko - 14,2%, Yuriy Boyko - 9,7%, Anatoliy Ğrıtsenko - 7,1%, İgor Smeşko - 6,5%, Oleğ Lâşko - 4,7%, Oleksandr Vilkul - 4%, Ruslan Koşulınskıy - 1,7%, Oleksandr Şevçenko - 0,5% reylerni alğan.
Ukraina Merkeziy Saylav Komiteti, saylav neticelerini aprel 10-onace ilân etmeli. Saylavnıñ ekinci basamağı aprelniñ 21-inde keçirilecek.