Saat 12:00-ğa Merkeziy Saylav Komissiya, mart 31-inde keçken prezident saylavlarınıñ 71,27% protokollarnı baqtı.
MSK bildirgenine köre, Volodımır Zelenskıy alâ daa cedvelniñ ögünde (30, 46%), ekinci yerde Petro Poroşenko (16,16%). Ondan soñ Yuliya Tımoşenko (13,15%), Yuriy Boyko (11,54%), Anatoliy Ğrıtsenko (7,05%).
Zelenskıy içün 4 milliondan çoq ukrain rey berdi. Poroşenkoğa 2 milliondan çoq adam qol tuttı. Timoşenko ise 1,7 million adamnıñ reyini aldı.
Martnıñ 31-inde Ukrainada prezident saylavları keçti. Saylavda iştirak 63,5% edi.
Milliy ekzitpolnıñ bildirgenine köre, Volodımır Zelenskıy 30,6%, Petro Poroşenko - 17,8%, Yuliya Tımoşenko - 14,2%, Yuriy Boyko - 9,7%, Anatoliy Ğrıtsenko - 7,1%, İgor Smeşko - 6,5%, Oleğ Lâşko - 4,7%, Oleksandr Vilkul - 4%, Ruslan Koşulınskıy - 1,7%, Oleksandr Şevçenko - 0,5% reylerni alğan.
Ukraina Merkeziy Saylav Komiteti, saylav neticelerini aprel 10-onace ilân etmeli. Saylavnıñ ekinci basamağı aprelniñ 21-inde keçirilecek. Saylavlarnıñ soñ neticeleri mayıs 1-inece çıqarılacaq. Ukrainada prezidentni beş yılğa saylaylar.
