Martnıñ 29-ında gece "Lübimovka - Belbek (Fruktovoye)" yolunda yol qazası oldı, bir adam elâk oldı. Bunı Rusiye İİN-niñ Aqyar idaresi bildire.
"23 yaşındaki GAZ maşnasının aydavcısı 34 yasındaki piyadeni urdı. Politsiya hadimleri tayin etti ki, qazanıñ sebebi - piyadeniñ qarşısına kelgen maşnanı toqtatmaq niyeti edi", - denile beyanatta.
Müessiseniñ malümatına köre, piyade o yerde öldi.
Qırımda Seyit Eli (Juravki) köyü ve Curçı (Pervomayskoye) qasabasınıñ arasında "Tavrida" trassasında yol qazası oldı, Hyundai yük maşnasınıñ aydavcısı elâk oldı.
"Aqmescit - Aluşta" yolunda Anğara (Perevalnoye) köyü yanında Daewoo Lanos maşnası beton tiremege uruldı, bir aqay elâk oldı.
Daa evel Qırımnıñ Yedi Quyu (Leninskoye) rayonında "Tavrida" trassasında yengil maşna yük maşnasınen çatıştı.