Aqyarda koronavirus infektsiyasınıñ yayılması telükesi ile bağlı 1767 adam tibbiy nezarettedir. Bunı şeer ükümetiniñ matbuat hızmeti bildire.
"Martnıñ 26-sına qadar Aqyarda yañı koronavirus infektsiyası ile yoquluv adisesi yoq. Şeer infektsiya hastahanesinde 32 patsiyentni teşkereler, umumen 1767 adam tibbiy nezaret altına alındı", - denile beyanatta.
Martnıñ 24-nde Rusiye kontrolindeki Qırım yolbaşçısı Sergey Aksenov Qırımda altı yañı koronavirus hastası qayd etildi, dep ilân etti. Daa evel Qırımnıñ Rusiye akimiyeti ilk COVID-19 hastası bar dep tasdıqladı.
Your browser doesn’t support HTML5
Пять фактов и мифов о коронавирусе (видео)
Koronavirus yuqunçınıñ tarqaluvına yol bermemek içün işğal etilgen Qırım ve Aqyarda «yüksek seviyeli azırlıq» rejimi ilân etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.