Qırımda tevqif etilgen iş adamı Oleg Zubkovnıñ imayesi onıñ Aqmescit SİZOsında açlıq narazılığıını tasdıqlamay. Bunı fevral 3-ünde Qırım.Aqiqatqa onıñ advokatı Arman Petrosân haber etti.
"Sabadan Qırımda insan aqları boyunca vekâletli kele edi, şahsen özümde Aqmescit SİZOsına Oleg Alekseyeviç Zubkovğa kire edim. Yanımda açlıq aqqında bir şey aytılmadı. Bu malümatnı tasdıqlap olamayım. Bundan ğayrı, onıñ sağlığı yahsı. Belki men ketken soñ açlıqnı ilân etti... Amma menim haberim yoq", - dedi Petrosân.
Qırım.Aqiqat mühbiriniñ malümatına köre, Zubkovnı fevralniñ 3-ünde aqşam Qarasuvbazar SİZOsından Aqmescit SİZOsına alıp kettiler ve mağazda yerleşken kamerağa oturttılar.
Fevralniñ 3-ünde apis etilgen "Taygan" arslanlar parkı ve "Skazka" ayvanat bağçasınıñ saibi Oleg Zubkov endi Aqmescit SİZOsında ve anda açlıqnı ilân etti. Bunı fevralniñ 4-ünde Qırım.Aqiqat Radiosı efirinde "Tayğan" arslanlar parkınıñ matbuat kâtibi Tatyana Aleksagina haber etti.
Fevralniñ 3-ünde Rusiye nezaretindeki Qarasuvbaza mahkemesi "Taygan" parkında tişlengen turist Olga Solominanıñ davası boyunca oturışta Qırım iş adamı Oleg Zubkovnı apis etti.
Advokat Arman Petrosan, ketmemezlik senetiniñ eki aylıq tevqifine deñiştirilgeni qanunsız, dedi.
2018 senesi iyülde “Taygan” parkında arslan turist Olga Solominanı tişlegen. Qadınıñ aytqanına köre, “Taygan” müdiri Oleg Zubkov o yerde edi, amma arslannı birden tınçlatıp olamadı.
Zubkov ise, Solomina sarğoş olıp, arslanğa qaşanğanğan ve bunıñ içün ayvan onı tişlegen, dep ayta.
