Fevralniñ 3-ünde apis etilgen "Taygan" arslanlar parkı ve "Skazka" ayvanat bağçasınıñ saibi Oleg Zubkov endi Aqmescit SİZOsında ve anda açlıqnı ilân etti. Bunı fevralniñ 4-ünde Qırım.Aqiqat Radiosı efirinde "Tayğan" arslan;ar parkınıñ matbuat kâtibi Tatyana Aleksagina haber etti.
Onıñ aytqanına köre, Zubkovnı fevralniñ 3-ünde aqşam Aqmescit SİZOsından alıp kettiler.
"Onı endi kamerağa keçirdiler ve o anda. Oleg Alekseyeviç açlıqnı ilân etti ve aş aşamay. Şimdi advokatı onda", - dedi matbuat kâtibi.
O qoştı ki, Zubkovnıñ apis etilüvini kimse beklemedi.
"Oña tevqif aqqında ilân etkenlerinden soñ, birden aşnı inkâr etti. Oña aş ketirdiler, amma o vazgeçti. Er şey yahşı edi, Zubkov Qırım başınen añlaşıp başladı. Bu aktsiya nenen bağlı olğanını ve kim buna tesir etkenini bilmeymiz, mahkemeci bu qararnı öz başına qabul etkenine inanmaymız", - dedi Aleksagina.
Aqmescit SİZOsınıñ reberliginden Zubkovnıñ açlığı aqqında malümatnıñ tasdıqlavı yoq.
Fevralniñ 3-ünde Rusiye nezaretindeki Qarasuvbaza mahkemesi "Taygan" parkında tişlengen turist Olga Solominanıñ davası boyunca oturışta Qırım iş adamı Oleg Zubkovnı apis etti.
Advokat Arman Petrosan, ketmemezlik senetiniñ eki aylıq tevqifine deñiştirilgeni qanunsız, dedi.
2018 senesi iyülde “Taygan” parkında arslan turist Olga Solominanı tişlegen. Qadınıñ aytqanına köre, “Taygan” müdiri Oleg Zubkov o yerde edi, amma arslannı birden tınçlatıp olamadı.
Zubkov ise, Solomina sarğoş olıp, arslanğa qaşanğanğan ve bunıñ içün ayvan onı tişlegen, dep ayta.
