Ukraina prezidenti Volodımır Zelenskıy daa evel istifa arizasını bergen Ukraina prezidentiniñ Qırım Muhtar Cumhuriyetindeki daimiy vekiliniñ birinci muavini İzet Gdanovnı işten boşattı.
İşbu qarar devlet yolbaşçısınıñ saytında iyülniñ 16-nda derc etildi.
«Gdanov İzet Rustemoviçni bergen arizası esasında Ukraina prezidentiniñ Qırım Muhtar Cumhuriyetindeki daimiy vekiliniñ birinci muavini vazifesinden boşatmaq», – dep aytıla vesiqada.
Gdanov, bu vazifeden ayırılmaq qararı aqqında iyülniñ 9-nda bildirdi. İyünniñ 25-nde Ukraina prezidentiniñ Qırım Muhtar Cumhuriyetindeki yañı daimiy vekili vazifesine Anton Korineviç tayin etilgen edi.
