Ukrayina prezidenti Volodımır Zelenskıy, memleket Ukrayina yarımadası - Qırımnıñ işğalden azat etilmesine azırlana, dep bildirdi.
"Er kes öz toprağını qaytarmaq istey... Bu yeterli degildir. İstek azdır, çalışmaq kerek. Şunıñ içün vaqıt ve adımlar aqqında aytqanda , tek bir şeyni ayta bilem - er şey tek bizge bağlıdır. Arbiy areketler bar. Biz olarğa azırlanamız. Maneviy ceetten azırmız. Tehnikiy ceetten azırlanamız - silâ, ücüm brigadalarnıñ teşkil etilmesi, talimler. Biz azır olmalımız, soñra kerekli işğalden azat etüv adımları da olacaq", - dedi devlet başı.
Ukrayina prezidenti ofisiniñ yolbaşçı muavini İğor Jovkva Ukrayinanıñ er angi toprağınen bağlı uzlaşuvlar Rusiyenen bir vaqıt muzakere etilmeycek, dep bildirdi.
Evel ABD Devlet kâtibiniñ muavini Viktoriya Nulad ABD Qırımnı Rusiye tarafından büyük bir arbiy bazağa ketirilgen Ukrayina toprağı olaraq saya ve Ukrayina tarafınıñ Qırım yarımadasındaki Rusiye arbiy obyektlerine darbe endirmesine qarşı degil, dep bildirgen edi.
Evel Kırılo Budanov Ukrayina Qırımnı küç ve diplomatiya yolunen qaytaracaq, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
