Ukraina prezidenti Volodımır Zelenskıy «normand formatındaki» sammit arfesinde Milliy telükesizlik ve mudafaa şurasınıñ qapalı toplaşuvını keçirdi. Bu aqta Prezident ofisiniñ Facebook saifesinde aytıla.
MTMŞ toplaşuvı Bankovayada qapalı şekilde ötkerildi.
Qırımtatar Milliy Meclisiniñ reisi Refat Çubarov Zelenskıynı Qırım mevzusını «normand formatındaki» körüşüvde kötermesine çağırdı. Qırım meselesini «normand muzakerelerinden» çıqqarmamaq çağıruvını Meclis reisiniñ muavini İlmi Umerov da aydınlattı.
«Normand formatındaki» körüşüv dekabrniñ 9-nda Parijde ötkerilmeli. Böyle muzakereler soñki sefer 2016 senesi oktâbr ayında keçirilgen edi. Ukraina prezidenti Zelenskıynıñ aytqanına köre, «norman dördü» memleketleriniñ liderleri esirlerniñ qaytuvı, ateş toqtatıluvı, Ukraina-Rusiye sıñırınıñ kontroli ve Donbastaki saylavlarnı muzakere etecekler.
