Ukraina prezidenti Volodımır Zelenskıy, halqara kün tertibinde ilhaq etilgen Qırimnıñ meselesi muzakere etilmegenini begenmegenini qayd etti. Bundan ğayrı, AQŞ Qırım meselelerine daa çoq tesir etkenini ister edi, dep ayttı.
Bunı Ukraina prezidenti fevralniñ 15-inde Münhen Telükezilik Konferentsiyasınıñ muzakeresinde ayttı.
"Begenmegenim - muzakere etilmegen Qırım meselesidir. Qırım meselesi bugün asıl aytılmadı, yani onı kötermek ve ciddiy şekilde muzakere etmek kerek. Bu da ülkemizniñ işğal etilge toprağı, anda da bizim adamlarımız yaşay. Yañı bir meydançıq kerekmi?", - meraqlandı prezindet Zelenskıy.
"Menimce, mında AQŞ daa pek tesir ete bilir edi", - neticeledi o.
AQŞ akimiyetiniñ buña resmiy cevabı daa olmadı.
Daa evel Zelenkıy Münhen konferentsiyasında Qırımda ve Rusiyede tutulğan qırımtatarlar ve ukrainler aqqında hatırlattı.
Bundan ğayrı, prezident hatırlattı ki, Parijde 2019 senesi dekabr 9-ında "Normandiya formatında körüşüv"niñ añlaşmalarından birisi - halqara teşkilâtlarnıñ semereli işiniñ teminatı edi. Amma, onıñ aytqanına köre, tutulğan şahıslarğa Qızıl Qaçnıñ Halqara komitetinin barıp yetmesi alâ daa açıq mesele olıp qala. Amma, qayd etti Zelenskıy, bu meseleniñ müsbet çezilüvine işanmaq esaslar bar.
