Link açıqlığı

Saatnıñ esas haberi

Zelenkıy Münhen konferentsiyasında Qırımda ve Rusiyede tutulğan qırımtatarlar ve ukrainler aqqında hatırlattı


Volodımır Zelenskıy
Volodımır Zelenskıy

200-den ziyade ukrain şimdigege işğal etilgen Donbass territoriyasında "L/DNR" boyevikleriniñ esiri ola ve 100-den ziyade ukrain ve qırımtatar ilhaq etilgen Qırımda ve Rusiyede tutula. Bunı Ukraina prezidenti Volodımır Zelenskıy Münhen Telükezilik Konferentsiyasın​da çıqış yapqanda ayttı, haber ete "Ukrainform" haber agentligi.

"Esirlerniñ deñişimini devam etmek kerek. 200-den ziyade ukrain işğal etilgen Donbass topraqlarında ve 100-den ziyade ukraina Qırımda ve Rusiyede tutulğance, biz toqtanıp olamaymız", - dedi Zelenskıy.

Bundan ğayrı, prezident hatırlattı ki, Parijde 2019 senesi dekabr 9-ında "Normandiya formatında körüşüv"niñ añlaşmalarından birisi - halqara teşkilâtlarnıñ semereli işiniñ teminatı edi. Amma, onıñ aytqanına köre, tutulğan şahıslarğa Qızıl Qaçnıñ Halqara komitetinin barıp yetmesi alâ daa açıq mesele olıp qala. Amma, qayd etti Zelenskıy, bu meseleniñ müsbet çezilüvine işanmaq esaslar bar.

Hatırlatayıq, Ukraina ve işğal etilge "L/DNR" arasında esirlerniñ keçken deñişimi 2019 senesi dekabr 29-ında oldı. Umumen Ukrainağa 76 adam berildi: 12 asker ve 64 asker olmağanlar.

Ukraina prezidentiniñ QMC-nde vekilliginde, qırımtatarlarnı deñişimniñ kelecek cedveline qoşacaqları aqqında haber ettiler.

Bundan evel Meclis reisi Refat Çubarov, deñişim cedvelinde 65 qırımtatardan iç birisi olmağanını qayd etti.

XS
SM
MD
LG