Link açıqlığı

Saatnıñ esas haberi

Ukraina aq qorçalayıcılar Zekirya Muratov ve Vadim Bektemirovğa çıqarılğan ükümni takbih ettiler


Zekirya Muratov
Zekirya Muratov

Ukraina aq qorçalayıcıları «qırımlı musulmanlar davasınıñ» mabüsleri Zekirya Muratov ve Vadim Bektemirovnıñ ükümlerini takbih etti.

«Bizler, aq qorçalayıcı teşkilâtlarnıñ vekilleri, Zekirya Muratov ve Vadim Bektemirovğa ve işğal etilgen Qırımda siyasiy sebepli davalar boyunca diger qırımtatar faallerine qarşı çıqarılğan ükümlerni takbih etemiz», – dep aytıla beyanatta.

Aq qorçalayıcılar bütün siyasiy mabüslerni acele azat etmege ve Ukraina akimiyeti ve halqara toplulıqtan cevap bermelerini talap etti.

«Al-azırda 93 qırımtatarı siyasiy esaslı cinaiy taqipler çerçivesinde apiste yata, 83-ü terror teşkilâtı ile alâqaları bar olğanında qabaatlana. 6 yıl evelsi aynı sahte qabaatlavlar esasında qırımtatarı Emir-Usein Kuku ve daa üç musulman tutuldı, eki kün evelsi ise siyasiy mabüsler cedveline daa dört Ukraina vatandaşı kirsetildi», – dep qayd etti aq qorçalayıcılar.

Fevralniñ 11-nde Rusiyeniñ Rostov-na-Donu Cenübiy okrugınıñ arbiy mahkemesi «qırımlı musulmanlar davasınıñ» mabüsi Zekirya Muratov ve Vadim Bektemirovnıñ ükümlerini çıqardı. Muratov 11 yıl ve 6 ay sert rejimli koloniyada qalmasına üküm etildi. Bektemirov ise 11 yıl sert rejimli koloniyada qalmasına üküm etildi.

Ukraina Tış işler nazirligi Zekirya Muratov ve Vadim Bektemirovğa çıqarılğan ükümlerni «siyasiy esaslı» dep adlandırdı.

2020 senesi iyülniñ 7-nde Rusiye quvetçileri yedi qırımtatarınıñ evini tintti: Qurman rayonınıñ Büyük Onlar qasabasında Emil Ziyadinov, Aqmescit rayonınıñ Kurtsı qasabasında İsmet İbragimov, Bağçasaray rayonınıñ Jeleznodorojnoye köyünde Alim Sufyanov, Bağçasaray rayonınıñ Süyür Taş (Belokamenka) köyünde Seyran Hayretdinov, Bağçasaray rayonınıñ Sevastyanovka köyünde Aleksandr Sizikov, Aqmescit rayonınıñ Bavurçı (Kamenka) köyünde Vadim Bektemirov ve Aluştada Dilâver Memetovnıñ. O, tintüv keçirilgende evde degil edi, onı qıdırmağa devam eteler.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG