Yaltada "Yalta-İnturist" oteliniñ beton stellasını Ukraina devlet bayrağı renklerine boyaladılar. Qırım.Aqiqat mühbiri haber etkeni kibi, stella, trassadan otelge burulışta tiklengen ve yoldan yahşı körüne.
"Yalta" sözüni sarı-mavı renklernen boyaladılar ve onıñ üzerinde Ukrauna bayrağını resimlediler.
Qırım.Aqiqat, stellanı kim boyalağanını bilip olamadı. Arifler yüksek yerleşken ve bunı becermek içün mahsus azırlıq kerek edi.
Şeerniñ rusiyeli akimiyeti bunı bilip, birden o ariflerni beyaz boyanen boyaladı. Olardan bu adiseniñ tefsirini alıp olamadılar.
Avgustnıñ 23-ünde Ukrainada Devlet bayrağı Künü qutlaylar. Bu bayramnı 2004 senesi öz qararınen prezident Leonid Kuçma tayin etken edi, ondan soñ prezidentlik yapqan Viktor Yuşenko, 2009 senesinde, avgust 23-ünde Ukraina bayrağınıñ köterilmesi merasimini başladı.
