Yañı Zelandiyada Kraystçerç şeerinde Al-Nur camisine ücüm yapqan avstraliyalı Brenton Tarrant qabaatını tanımadı.
New Zealand Herald gazetası bildirgeni kibi, qabaatnı tanımağanı aqqında arizanen onıñ advokatları çıqışta bulundı. Özü Tarrant mahkemege Oklend şeeriniñ apishanesinden video vastasınen qoşuldı, o anda bir kişilik kamerada tutula. Matbuat yazğanı kibi, qabaatlanğan bütün olıp keçkengen ircayıp baqa edi, dep yaza Azatlıq Radiosı.
Mahkeme oturışı devamında mahkemeci, Tarrant eki ruhiy ekspertizağa köre, qabaatını tanımağa ve mahkeme ögüne kelmege qabiliyeti bar, dep haber etti.
Mahkeme protsessi 2020 yılı mayıs ayına tayinlendi.
Hatırlatamız ki, Tarrantnı, özüne “aq milletçi”degen Avstraliyanıñ 28 yaşındaki vatandaşını öldürmelerde qabaatlaylar. O apiste bulunmaqta.
Yañı Zelandiya baş naziri Casinda Ardern (Jacinda Ardern), bu Al-Nur camisine añma tedbirine onlarnen kelgen çetel musafirlerge öz minnetdarlığını bildirdi.
Martnıñ 15-inde Al-Nur camisinde cuma namazı vaqtında 28 yaşındaki avstraliyalı Brenton Tarrant eki camige silâ ile kelip, 50 insannı öldürildi ve daa 40 kişini yaraladı. Bu insan, ırqçı olıp, atuvlardan evel, areketleriniñ sebebini añlatqan “manifest”ini derc etti.
