Link açıqlığı

Saatnıñ esas haberi

Yılnıñ başından Ukrainağa 900-den ziyade Rusiye vatandaşı kirsetilmedi - Devlet Sıñır Hızmeti


Yılnıñ başından Ukrainağa 900-den ziyade Rusiye vatandaşı kirsetilmedi - dep bildire Devlet Sıñır Hızmeti reisiniñ yardımcısı Oleg Slobodân.

UNİAN ukrain haber agentligine tefsir bergende Slobodân, sıñırda ciddiy teşkerüv devam etkenini qayd etti.

Onıñ aytqanına köre, ziyaret maqsadınıñ tasdıqlanmaması, Ukrainada bulunuv müddetiniñ ruhsetsiz uzatılğanı ya da ilhaq etilgen Qırımğa qanunsız seyaat, kiriş yasağına sebep ola edi.

Ukraina Yuqarı Radası Keriç boğazında Rusiye arbiyleri tarafından Ukraina gemilerine açılğan ateş sebebinden bir qaç vilâyette cenk vaziyetini ilân etti. Cenk vaziyeti devam etkence Ukrainağa 16 yaşından 60 yaşına qadar Rusiye erkek vatandaşları kirsetilmecek.

30 künlük cenk vaziyeti devamında Ukrainağa 1616 rusiyelini kirsetmediler dep bildirdi Ukraina İşki İşler Nazirliginiñ birinci muavini Sergey Yarovoy.

Ukraina prezidenti Petro Poroşenko, Rusiye tecavuzından bir sıra vilâyette ilân etilgen 30 künlük cenk vaziyetini devam etmemek qararını aldı.

XS
SM
MD
LG