Qırımda 17 yıl apis cezasına mahküm etilgen qırımtatar faali ve siyasetçi Nariman Celâl "azatlıq oğrunda, tuvğan topraq oğrunda, memleketimiz oğrunda küreş devam ete" dep bildirdi. Bunıñ aqqında o, advokat Nikolay Polozov tarafından yayınlanğan mektüpte yazdı.
"Bu dava boyunca üküm beklengen edi. Bu, Rusiye ükümetiniñ Ukrayina vatandaşlarına qarşı yapqan cinayetleri arasında nevbetteki cinayettir. Şübesiz ki, bunıñ içün mesüliyet çekecek. Bu em de bizim öz demokratik memleketimizde azat yaşamaq içün umumiy istegimizge bir ükümdir. Azatlıq oğrunda, tuvğan topraq oğrunda, memleketimiz oğrunda umumiy küreşimiz devam ete", - dedi Celâl.
O qayd etti ki, "bugün eyilik ve yamanlıq arasında sıñır o qadar körünip tura ki, yalıñız bütün ahlâğını marum etken adamlar Ukrayinada tecavuzcınıñ cinayetlerini körmeyip, olarnı aqlay bileler".
Sentâbrniñ 21-nde Rusiyeniñ nezaretinde olğan Qırım mahkemesi "gaz borusında diversiya davasınıñ" üç mabüsi – siyasetçi ve faal Nariman Celâl ve qırımtatar faalleri, ağa-qardaş Asan ve Aziz Ahtemovlarğa üküm çıqardı.
Qırımtatar halqınıñ Milliy lideri Mustafa Cemilev Türkiye prezidenti Recep Tayyip Erdoğan ile qırımtatr faali ve siyasetçisi Nariman Celâlnıñ Rusiye apsinden azat etilmesi meselesini muzakere etemek niyetindedir.
Avgustnıñ 23-nde "Qırım platforması" halqara sammitiniñ iştirakçileri Rusiyeni tevqif etilgen qırımtatar siyasetçisi ve faali Nariman Celâlnı azat etmege çağırdılar.
Avropa Şurası Parlament Assambleyasınıñ 7 aza memlketinden 27 azası Ukayina Yuqarı Radasınıñ "Ukrayinanıñ işğal etilgen topraqlarında qırımtatarlarğa qarşı sürekli siyasiy taqipler" aqqında beyannamesini desteklegen. Olarnıñ arasında Estoniya, Letoniya, Almaniya, Daniya, Azerbaycan ve Poloniya. Bu sentâbrniñ 21-nde qanunsız mahküm etilecek Nariman Celâl ve eki doğmuş qardaşlar Aziz ve Asan Ahtemovlarnıñ qanunsız ükmüne bağışlanğan vesiqadır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
