Rusiye nezaretindeki Qırım başı Sergey Aksönov, bir qac yıldan soñ yarımadanıñ bütün mekteplerinde video közetüv olacaq, dep ayta.
"Bütün mekteplerde 2021 yılınace yanğın telükesizligi sistemaları pekitilecek, 2023 yılına qadar ise - bütün bala bağçalarında. 2024 senesiniñ başına qadar bütün tasil müessiselerinde video közetüv ve qoralama olacaq", - dep yaza Aksönovnıñ sözlerinden Qırım akimiyetiniñ matbuat hzmeti.
Onıñ malümatına köre, şimdilik avtomatik yanğın sistemeları tasil müessiseleriniñ 71%-ında, video közetüv sistemaları - 53%-ında, kiriş idaresiniñ nezareti sistemaları - 26%-ında, acele dögmeler - 66%-ında pekitilgen.
Bundan evel Keriç faciasınıñ yıldönümini tefsir etip, Rusiye nezaretindeki Qırım başı Sergey Aksönov, mekteplerniñ etrafında iç bir qora ve qaravullar terrorcılardan 100%-ğa saqlap olamaz, dep ayttı.
Трагедия в Керченском колледже. Как это было (фотогалерея)
Cumaaqşamı künü, oktâbr 17-sinde Keriç politehnika kolleciniñ faciasınıñ yıldönüminde Keriçte matem künü ilân eildi.
Oktâbrniñ 17-nde, Keriç politehnik köllecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.
