Link açıqlığı

Saatnıñ esas haberi

Volker: yarımada işğalden boşatılmağance, Rusiyege qarşı Qırım sanktsiyaları lâğu etilmeycek


Kurt Walker
Kurt Walker

ABD Ukraina meseleleri devlet departamentiniñ mahsus vekili Kurt Volker, yarımada işğalden boşatılmağance, Rusiyege qarşı Qırım sanktsiyaları lâğu etilmeycek, dedi. Bunı o, «ТSN» programmasına bergen intervyüsinde ayttı.

Donbass vaziyetiniñ çezilmesi muzakere etilgende, Qırım meselesi kenarda qaldırılğanı aqqında sualge cevap bergende, Volker, Qırım içün ve Donbass içün Rusiyege qarşı kirsetilgen sanktsiyalarnı ayırmaq kerek, dep ayttı.

“İlk-evelâ sanktsiyalarnı, Rusiye Qırımnı işğal etkeni içün kirsettik, ve daa rusiyeliler Minsk añlaşmalarını yerine ketirmegeni içün. Ve bunıñ ile daa bir qaç diger sebepten, misal olaraq, Büyük Britaniyada Skripaller qorantasına ücüm içün. Eger Rusiye, özüne mecburiyet alğanı kibi, Minsk añlaşmalarını yerine ketirse, o zamam biz bu sanktsiyalarnıñ yımşatılmasını muzakere etecekmiz. Amma Qırım sanktsiyaları, Rusiye Qırım işğalini ne qadar devam etse, o qadar da çoq devam etecek. Diger sanktsiyalarğa kelgende aynı”, – dedi Volker.

2019 yılı iyün ayında Avropa Birliginiñ Şurası Qırım ve Aqyarnıñ ilhaqı neticesinde Rusiyege qarşı kirsetilgen sanktsiyalarnı uzatmaq qararını aldı.

Hususan, Qırım mahsulatını satılması, Qırımğa Avropa yatırımı yapılması, anda köçmemezlikniñ satın alınması, hızmet berilmesi, bizneske para ayırılması yasaqtır.

XS
SM
MD
LG