Link açıqlığı

Saatnıñ esas haberi

Avropa Birligi Rusiyege qarşı "Qırım" sanktsiyalarını uzattı


Avropa Birliginiñ Şurası Qırım ve Aqyarnıñ ilhaqı neticesinde Rusiyege qarşı kirsetilgen sanktsiyalarnı uzatmaq qararını aldı.

Böyle vesiqa AB Şurası saytında iyün 20-sinde derc etildi.

Vesiqada, Şura oturışında "Qırım" sanktsiyalarını daa bir yılğa, 2020 senesi iyün 23-üne qadar devam ettirmek qararı alınğanı aqqında aytıla.

Hususan, Qırım mahsulatını satılması, Qırımğa Avropa yatırımı yapılması, anda köçmemezlikniñ satın alınması, hızmet berilmesi, bizneske para ayırılması yasaqtır.

Arizada, AB Ukrainanıñ bütünligi ve mustaqilligine qol tutqanlarını ve Rusiye halqara qanunlarını bozğanını tenqit etkenlerini kene qayd ettiler.

İyün 12-sinde Avropa Birliginiñ aza memleketleriniñ elçileri, Qırım ve Aqyar ilhaqı içün Ruisyege qarşı kirsetilgen sanktsiyarnı daa bir yılğa uzatmağa añlaşqan edi.

XS
SM
MD
LG