«Fikir» rubrikası, mahsus Qırım.Aqiqat içün
Rusiye baş nazir muavni ve turizm saasınıñ kuratorı Dmitriy Çernışenko Qırımğa kelip çıqtı: daa bir qaç kün evel o "eger onı yiberseler" tatilni işğal etilgen Qıırmda keçirmege vade etken ve Qırım köpründen trennen ketecegini qayd etken edi.
Körgenimiz kibi Dmitriy Çernişenkonı şimdilik bir "toy generalı" olaraq çalışmaq ve Qırım turizminiñ inkişafı içün para vade etmek yibergenler.
Keriç köpründe yüz bergen darbelerden soñ Kreml yarımadanıñ telükesiz kurort yeri olaraq qalğanını köstermek kerek. Eger yüksek rutbeli memurlar turizm saasınıñ inkişafı aqqında malümat almaq içün anda barğan olsa, o zaman "adiy insan" yalıñız Soçi ve Adlerniñ tolup taşqan plâjlarına degil, mıtlaqa Qırımğa barmalı.
Çernişenkonıñ seyaatı, Kreml ruslarnı "top yemi" kibi qullanmağa tırışqanı sadece cebede olmağanını köstere. Mesüliyetli iç bir ükümet vatandaşlarnı arbiy areketler mıntaqasına raatlıqqa yollamaz. Mesüliyetli, Vladimir Vladimiroviçniñ degil! Keriç köpründe nevbetteki patlavdan deral soñra rusiyeliler arasında "qara koridorı" adlandırılğan "telükesiz bir yol" aqqında talimat darqatmağa başladılar. Yani söz işğal altında olğan ukrayin topraqları boyu keçken ve arbiy areketler ketken yerge yaqın olğan yol aqqındadır.
Mesüliyetli iç bir ükümet vatandaşlarnı arbiy areketler mıntaqasına raatlıqqa yollamaz
Şimdi içtimaiy ağlarda bu yol boyunca ketken ve Rusiye ordusı tarafından bombalanıp yoq etilgen Mariupolden memnün olğanlarnıñ quvançlı yazıları bar.
Böylece cenkniñ er künü ile Rusiye memurları öz vatandaşlarını cenk reinelerine çevire. Putin içün onıñ areketleriniñ içtimaiy soravlarda, mektepte derslerinde ve televizion propagandası vastasınen desteklenmesi endi azdır.
Endi rusiyelilerniñ cenkni desteklemek içün konkret adımlar atması kerek. Kim cebege kete. Kim ise Qırımğa. Rusiye memurlarnıñ vazifesi ise bu temaşalarda iştirak etip, adamlarnı telüke mıntqalarına aldatıp tüşürmektir.
Vitaliy Portnikov – jurnalist ve siyasiy izaatçı, Azatlıq Radiosı ve Qırım.Aqiqat müellifi
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
MALÜMAT: Ukrayinağa qarşı Rusiye silâlı ücümi 2022 senesi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.