Mahsus Qırım.Aqiqat içün
2014 senesi, rusiye orduları Qırımnı zapt etkeninden soñ, men iş adamı Boris Titovnen Azatlıq Radiosınıñ canlı efirinde oldım. O - Rusiye akimiyetinde biznes-ombudsmen ve liberal kibi qoyulğan edi. Amma o sefer o, liberallikni kütmedi, özüni edepsiz ve qaba alıp bardı. Yayından soñ dostları añlattı ki, Titovnıñ böyle deñişmesine taaciplememem kere, çünki onıñ özü ve müşterileri olğan iş adamları Qırım mülkiyetine köz taşladı. Laf aqça, büyük ve yengil aqça aqqında yürsetilgende - “sana, oyun körüniş-süretleri” yoq ola.
Moskova mahkemelerinden birisi, “Drujba narodov” et kombinatınıñ rusiye muhalifi Aleksey Navalnıyğa qarşı açqan davanı qabul etkeninden soñ, men bu ombudsmennen lafımnı hatırladım. Navalnıy, kombinat Rosgvardiyağa erzaqlarnı üç qat fiyatnen satıp, Putin qaravul ve tarafdarı olğan Viktor Zolotovnıñ zenginleştirgeni aqqında araştırmanı derc etti. Aynı vaqıtta, “Drujba narodov” kombinatınıñ saibi Boris Kantemirov, Zolotovnıñ yaqın insanlarından birisi ve İçki İşler Nazirliginiñ sabıq hadimi edi eken.
Tamam bundan soñ Zolotov Navalnıynı duelge çağırdı, kombinat ise, kompromatlı malümatnı yoq etmek talabınen faalcilge qarşı mahkeme davasını açtı. Amma bu Rosgvardiya erzaqları misalinde, Kremlniñ bütün “Qırım biznesi” körüne.
Rosgvardiya erzaqları misalinde, Kremlniñ bütün “Qırım biznesi” körüne
Özüñiz qıymet kesiñiz. “Drujba narodov” kombinatı - ukrain iş adamı Yüriy Kosükniñ mülkü edi. İşğalden soñ onı vesiqada sattılar, amma kerçekten, iş adamınıñ aytqanına köre, rusiye memuriyetine yaqın olğanlar tarafından “tutılıp alındı”.İste, kombinatnı devletniñ özü tutıp aldı desek olacaq. Ve bundan soñ, körgenimiz kibi, Zolotovğa berdi, çünki devlet - bu o. Ya da Zolotovnıñ safdaşına, çünki Rosgvardiya reberi - devlet memuri. Ve kombinatnıñ “satın alınması” - pek güzel “kelişme” olğanı, “Drujba narodov” Rusiye akimiyetinden sımarış ve Rosselhozbanktan millionlı kreditler alğanı - soñu degil, bundan ğayrı, erzaq mallarınıñ teminatında onı qullanıp, monopolist yapmağa tırışalar. Buyruqnı rusiye baş naziri - Dmitriy Medvedevniñ özü imzalay, iş ilerley, Navalnıy vaziyetni aydın etmege tırışqanda ise, mahkeme malümatnı yoq etmege ve kombinatnıñ adını “yamanlamamağa” talap ete.
Budır - Qırımnıñ “putinciler”ge nege kerek olğanınıñ sebebi - qadimiy Hersones degil, “Krımnaş” bile degil. 90-ıncı yılları olar biznes bölüvine yetiştirmegen, olarnıñ reberi Putin ise, qısmetleri ellerinde qalacağınıñ kefilidir. İşte, körgenimiz kibi, yañı topraqlarnı zapt etip, olarnı çaypamaq ve para şıpırmaqnıñ shemalarını uydurmaq tek qala.
«Fikirler» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün