Link açıqlığı

Saatnıñ esas haberi

Vitaliy Portnikov: separatistniñ qaari


Yuriy Meşkov
Yuriy Meşkov

Mahsus Qırım.Aqiqat içün

İlhaq etilgen Qırımnıñ rusiyeli akimiyetiniñ başı Sergey Aksönov, birinci QMC prezidenti ve Qırımnıñ Ukrainadan ayırılma ıntıluvınıñ ilk teşkilcisi Yuriy Meşkovnı türmege oturtqanı - eki künge olsa da - tarihniñ menfiy tesir ve neticesidir. Devletke qarşı çıqqan adam, sovet devriniñ “klassik şovenist”i Meşkov, er türlü tañrığa - Yanukoviçmi, Putinmi, ya da episi berabermi - dua ete bilgen printsipsiz adamnıñ ğalebesine razı olıp olamağan dep körüne. Rusiye orduları Qırımnı ilhaq etmegen olsa edi, Sergey Aksönov şimdi QMC-niñ Yuqarı Şurasınıñ adiy mebusı olacaq edi, küçük partiyanıñ yolbaşçısı olıp, Qırımnıñ yeri Ukrainada dep qandırır edi. Vladimir Konstantinov ise asıl Aqmescitte Cennetli yüz qaraman (Kök Yüzü) abidesini açacaq edi - ve, mence, eli bile titremez edi

Yuriy Meşkovnıñ siyasiy taqdiri başqa. O kerçekten QMC prezident saylavlarında yeñdi, kerçekten öz memüriyetiniñ başı olaraq rusiyelini tayin etti, kerçekten moskovalılardan akimiyet tizde, kerçekten Qırımnı Moskova vaqtına keçirdi. Meşkov Qırımdan Ukrainanıñ ayırılmasını kerçekten azırlay edi, o aqiqiy separatisrt - ayırılıqçı edi. Amma onıñ arqasında “nezaketli adamçıqlar” yoq edi. O Rusiye mahsus hızmetleri hadimlerinen bağlı olsa bile, Konstantinov ve Aksönovdan farqlı olaraq, muhatarağa atılğan edi. Öz siyasiy karyerasına, ömür ve sağlığına tevekellik yapqan edi, amma buña baqmadan areket yapa edi, çünki Qırımnıñ olacaq rusiyeli yolbaşçılarından farqlana edi - onıñ meslekleri bar edi, olsun Ukrainağa qarşı, amma meslekleri bar edi. Ya meslekli adamğa, şovinist olsa bile, “yalancılarnıñ ğalibiyeti”nen razı olmaq qıyın.

Бывший крымский президент недоумевает, как это личности с неоднозначным прошлым стали любимцами Кремля

Biz Meşkov yutquzdı dep tüşünip alıştıq. Amma kerçekten o degil, Ukrana yutquzdı. Ukraina degil 1994 senesi aman-aman coyulğan Qırımnı qaytardı. Bu Ukrainanı, Meşkovda ihtiyacı olmağan Qırımğa qoştılar. Soñ ise Donbassqada.

Moskova, prezident saylavlarında Leonid Kuçmanıñ ğalebesinden soñ Qırımda rusiye tarafdarlarınıñ destek etilmesini toqtattı. İleride Ukraina oligarhiyasınıñ qurucısı olacaq Kuçmanıñ ğalebesi ilân etilgen künni yahşı hatırlayım - o künü Ukrain evinde Frenkistan elçiliginiñ qabul etüvi edi. Episi toplandı - ketecek prezident Leonid Kravçuknıñ memurları da, ğalipniñ yaqınları da. Ukraina prezident memüriyetiniñ olacaq başı Dmitriy Tabaçnik, Qırım prezident memüriyetiniñ başı, rusiyeli Viktor Mininnen beraber kelgen edi. Em de bu taqımda yolbaşçı kim olğanı birden körüne edi.

Yeltsin ve yaqınları içün olıp çıqqan vaziyette Ukrainanıñ boysundırmasında emiyet yoq edi. Ukraina mahsus hızmetleriniñ ayırılıqçı menbasını yoq etmek ve Meşkovdan qurtulmaq imkânı peyda oldı, Qırım ise aydut-banditlerniñ eline tüşip, öz vaqtını bekley edi. Rusiye Ukrainanı Qırımnen beraber elge alsa edi, yarımadanı hatırlağan da olmaz edi. Bunı becermediler, onıñ içün Putin, rusiye tarafdarı olğan faalci ve siyasetçilerge işanmayıp, Qırımnı “tişlep aldı”. Sadece ordularını kirsetti.

Şimdi ise sabıq Qırım prezidenti, nasıl oldı da, keçmişleri iddialı olğan şahıslar Kreml sevimlileri oldı. Rusiyeniñ özü - büyük Qırım olğanı, parası biraz çoqça olğan aynı öyle şahıslarnen idare etilgeni iseYuriy Meşkov içün alâ daa sır, ğaliba.

«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

XS
SM
MD
LG