Oğlu içün açlığınıñ on üçünci künü (video)
«Hizb ut-Tahrir işi» boyunca mahküm etilgen qırımtatar Nuri Primovnıñ anası, ilhaq etilgen Aqyardaki FSB idaresine oğlunı azat etmek talabınen ariza yazdı ve Rusiyeniñ kontroli altında olğan telükesizlik strukturalarınıñ areketlerine qarşı narazılığınıñ ifadesi olaraq açlıq ilân etti. Rayme Primova oğlunıñ Sentsov, Kolçenko ve diger Ukraina mabüsleri ile beraber deñiştirüv cedveline kirsetilmesine irişmek istey. Bugün açlığınıñ 13-nci künü. Qadın çekisiniñ 3 kilosını ğayıp etti, yalıñız suv ve çay içe. Bu areketiniñ baş sebebi, oğlu içün endişesidir, dey.