Link açıqlığı

Saatnıñ esas haberi

«Stabil fena» – Dinze Sentsovnıñ alı aqqında (video)


«Stabil fena» – Dinze Sentsovnıñ alı aqqında (video)
Bekleñiz, lütfen
Embed

No media source currently available

0:00 0:00:44 0:00

Ukraina rejissöri Oleg Sentsovnıñ alı ket-kete fenalaşa. Bunı bugün siyasiy mabüsniñ advokatı Dmitriy Dinze haber etti. Cuma künü, oktâbrniñ 5-nde, o, Sentsovnı Rusiyeniñ Labıtnangi şeerindeki koloniyada ziyaret etecek ola. Alınğan soñki malümatqa köre, rejissörğa oksigen yetmey, müçeleri ve qanğa yeterli qadar oksigen kelmey. Dinzeniñ qayd etkenine köre, koloniyada alı fenalaşqan Sentsovnı zornen aşatacaq olalar.

Mayısnıñ 14-nde Rusiyede mahkum edilgen Ukraina rejissöri Oleg Sentsov Rusiye apishanelerinde yatqan bütün ukrainalı siyasiy mabüslerniñ azat etilmesi talabınen muddetsiz açlıqnı ilan etti.

Sentsov ve Aleksandr Kolçenko Rusiye mahsus hizmetleriniñ vekilleri tarafından Qırımda 2014 senesi mayıs ayında, yarımadada terroristik aktlar azırlağanlarında qabaatlanıp tutulğan ediler. 2015 senesi avgust ayında Rostov-na-Donu şeerindeki Şimaliy Kavkaz okrugınıñ arbiy mahkemesi Sentsovnı, Qırım territoriyasındaki terroristik faaliyette qabaatlap, 20 yıllıq şiddetli rejim koloniyasına qalmağa mahküm etti. Kolçenkoğa 10 yıl koloniya cezası berildi. Ekisi de qabaatlarını tanımay.

«Memorial» insan aqlarını qorçalav merkezi Sentsov ve Kolçenkonı siyasiy mabüsler cedveline kirsetti. Rusiyede mahküm etilgen Oleg Sentsovnı qurtarmaq çağıruvı ile petitsiya Beyaz Saraynıñ saytında 100 biñden ziyade insan tarafından imzalandı.

XS
SM
MD
LG