Ukrayina ve Saud Arabistanı mudafaa saasında işbirlik añlaşmasını imzaladılar, dep bildirdi saban ayınıñ 27-nde Saud Arabistanında bulunğan Ukrayina prezidenti Volodımır Zelenskıy.
Zelenskıynıñ aytqanına köre, vesiqa Saud Arabistanınıñ mirasçı şahzadesi Muhammed bin Salman Al Saud ile körüşüvden evel imzalandı. Ukrayina prezidentiniñ matbuat hızmeti körüşüv Ciddede olıp keçkenini qayd etti.
İmzalanğan añlaşma "ilerideki añlaşmalar, tehnologik işbirlik ve yatırımlar içün temel qoya ve Ukrayinanıñ havfsızlıq donorı olaraq halqara rolüni quvetleştire", dep qayd etti Zelenskıy.
"Biz Saud Arabistanı ile tecribemizni ve sistemamıznı paylaşmağa ve ayat qoruvını quvetleştirmek içün işbirlik yapmağa azırmız. Beş yıldan berli Ukrayinler İran rejimi Yaqın Şarq ve Körfez regionına yapqan aynı ballistika ve dronlarnıñ teraktlarına qarşı küreşe. Ve Saud Arabistanında Ukrayinağa meraqlı olğan şeyler bar. Bu işbirlik eki tarafqa da faydalı ola bile", — dep qayd etti o.
Bundan ğayrı, Zelenskıynıñ aytqanına köre, muzakerelerde Yaqın Şarqta ve umumen Körfez regionında vaziyet, Rusiye tarafından İran rejimine yardım, yaqıt bazarlarındaki vaziyet ve ihtimallı energetik işbirligi muzakere etildi.