Mız-mız Hanım, Emir Dostım
Kiyev – 2014 senesiniñ sentâbr ayından başlap, Şevçenko adına Kiyev Milliy universitetiniñ filologiya İnstitutında qırımtatar tili ve edebiyatı şübesi açılacaq. Bunı Qırım.Aqiqatqa intervyü devamında Kiyev milliy universitetiniñ oquv işleri boyunca prorektor Vladimir Bugrov bildirdi. Aytqanına köre, mütehassıslarnı KMU filologiya İnstitutı türkşınaslıq kafedrasında azırlaycaqlar.
«Biz Kiyevdeki qırımtatar cemaatçılığından mektüp aldıq. Onda, bizim oquv yurtumızda qırımtatar tili ve edebiyatı boyunca mütehassıslarnı azırlamaqnıñ imkâniyeti aqqında söz yürütile edi,– dedi Bugrov. – Bu meseleni filologiya İnstitutında muzakere ettik ve teşebbüske qol tuttıq».
Vladimir Bugrovnıñ aytqanına köre, KMU yolbaşçıları Ukraina tamil nazirligine endi muracaat etti. Ve bu zenaat boyunca 2014 senesi iyül 1 kününden başlap, kiriş kampaniyasını başlatmağa rica etti. İmtianlar: ukrain tili, çetel tilleri ve tarih.
«Kiriş qaideleri tayinlendi ve bu zenaat boyunca 8-10 yerge atta devlet sımarışı olcağını bildirdiler. Şübe türkşınasılıq kafedrası yanında çalışacaq, – dedi KMU prorektorı. – Bizim oquv yurtumızda türk, azerbeycan, gagauz, üzbek, qırğız, qazah tilleri ögrenile. Em de qırımtatar tili ve edebiyatı olacaq».
Şimdiki vaqıtta, eñ azı bir qırımtatar ocası. Bugrovnıñ bildirgenine köre, cemaatçılıq vekilleri ders bermek içün mahsus zenaatı olğan adamnı tapmağa işandırdılar.
İleride – qırımtatar filologiyası fakulteti açılacaq
Prorektornıñ bildirgenine köre, qırımtatar tili meslegi boyunca oquv sisteması aqqında ikâye etti. «İnstitutımızda eki til boyunca mütehassıslarnı azırlaylar. Bu ocanıñ qabiliyetini yükselte. Ukrain tilini ögrense, ekinci til olaraq ingliz tilini menimsemek kerek olacaq. İngliz tili birinci olsa, ekincisi frantsız, alman ve ilâhre ola bile. Qırımtatar tilini ingliz tilinen birlikte ögrenmek mümkün olacaq», – dep añlattı Bugrov.
Bunen beraber, o, ileride qırımtatar filologiyası fakultetiniñ meydanğa ketirilmek mümkün, dey. Amma, bunıñ içün iç olmağanda 3 kafedra ve eñ azı 200 student olmaq kerek.
«Zanımca, qırımtatar tili ve edebiyatına ihtiyac olur, – qayd etti prorektor. – Azerbeycan tilini misal olaraq ketirmek mümkün, Kiyevde pek büyük azerbeycan diasporası yaşay. Er şey qırımtatarlarnıñ istegine bağlı olacaq».
Bugrovnıñ aytqanına köre, oquv yurtunıñ studentlerine yataqhanede odalar yırılacaq. Kontrakt boyunca oquycaq studentler yılda 18 biñden 28 grivnağa qadar para tölemek kerek. Oquv ceryanı 6 yıl devam etecek.
Vladimir Bugrov, oquv yurtnıñ esasında qırımtatar şübesiniñ açıluvı em siyasiy adım, em de cemaatçılıqnıñ ihtiyacı, kibi fikirnen razı. «Biz Qırımdan 110 talebeni universitetimizge keçirdik. Yarımadada qalmağa istemegenler bizge avuşa. Ve olarnı añlamaq mümkün: ukrain universitetiler arasında bizimki – dünyanıñ eñ eyi 500 aliy oquv yurtlar cedvelinde yekânedir», – dedi Bugrov.
Kiyev – 2014 senesiniñ sentâbr ayından başlap, Şevçenko adına Kiyev Milliy universitetiniñ filologiya İnstitutında qırımtatar tili ve edebiyatı şübesi açılacaq. Bunı Qırım.Aqiqatqa intervyü devamında Kiyev milliy universitetiniñ oquv işleri boyunca prorektor Vladimir Bugrov bildirdi. Aytqanına köre, mütehassıslarnı KMU filologiya İnstitutı türkşınaslıq kafedrasında azırlaycaqlar.
«Biz Kiyevdeki qırımtatar cemaatçılığından mektüp aldıq. Onda, bizim oquv yurtumızda qırımtatar tili ve edebiyatı boyunca mütehassıslarnı azırlamaqnıñ imkâniyeti aqqında söz yürütile edi,– dedi Bugrov. – Bu meseleni filologiya İnstitutında muzakere ettik ve teşebbüske qol tuttıq».
Vladimir Bugrovnıñ aytqanına köre, KMU yolbaşçıları Ukraina tamil nazirligine endi muracaat etti. Ve bu zenaat boyunca 2014 senesi iyül 1 kününden başlap, kiriş kampaniyasını başlatmağa rica etti. İmtianlar: ukrain tili, çetel tilleri ve tarih.
«Kiriş qaideleri tayinlendi ve bu zenaat boyunca 8-10 yerge atta devlet sımarışı olcağını bildirdiler. Şübe türkşınasılıq kafedrası yanında çalışacaq, – dedi KMU prorektorı. – Bizim oquv yurtumızda türk, azerbeycan, gagauz, üzbek, qırğız, qazah tilleri ögrenile. Em de qırımtatar tili ve edebiyatı olacaq».
Şimdiki vaqıtta, eñ azı bir qırımtatar ocası. Bugrovnıñ bildirgenine köre, cemaatçılıq vekilleri ders bermek içün mahsus zenaatı olğan adamnı tapmağa işandırdılar.
İleride – qırımtatar filologiyası fakulteti açılacaq
Prorektornıñ bildirgenine köre, qırımtatar tili meslegi boyunca oquv sisteması aqqında ikâye etti. «İnstitutımızda eki til boyunca mütehassıslarnı azırlaylar. Bu ocanıñ qabiliyetini yükselte. Ukrain tilini ögrense, ekinci til olaraq ingliz tilini menimsemek kerek olacaq. İngliz tili birinci olsa, ekincisi frantsız, alman ve ilâhre ola bile. Qırımtatar tilini ingliz tilinen birlikte ögrenmek mümkün olacaq», – dep añlattı Bugrov.
Bunen beraber, o, ileride qırımtatar filologiyası fakultetiniñ meydanğa ketirilmek mümkün, dey. Amma, bunıñ içün iç olmağanda 3 kafedra ve eñ azı 200 student olmaq kerek.
«Zanımca, qırımtatar tili ve edebiyatına ihtiyac olur, – qayd etti prorektor. – Azerbeycan tilini misal olaraq ketirmek mümkün, Kiyevde pek büyük azerbeycan diasporası yaşay. Er şey qırımtatarlarnıñ istegine bağlı olacaq».
Bugrovnıñ aytqanına köre, oquv yurtunıñ studentlerine yataqhanede odalar yırılacaq. Kontrakt boyunca oquycaq studentler yılda 18 biñden 28 grivnağa qadar para tölemek kerek. Oquv ceryanı 6 yıl devam etecek.
Vladimir Bugrov, oquv yurtnıñ esasında qırımtatar şübesiniñ açıluvı em siyasiy adım, em de cemaatçılıqnıñ ihtiyacı, kibi fikirnen razı. «Biz Qırımdan 110 talebeni universitetimizge keçirdik. Yarımadada qalmağa istemegenler bizge avuşa. Ve olarnı añlamaq mümkün: ukrain universitetiler arasında bizimki – dünyanıñ eñ eyi 500 aliy oquv yurtlar cedvelinde yekânedir», – dedi Bugrov.
