«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
«Bütün halqqa basqı yapıla». Qarasuvbazardaki «Hizb ut-Tahrir davası» mabüsleriniñ advokatları ve tuvğanları – esnas ve üküm aqqında (video)
Rusiyeniñ Rostov-na-Donu Cenübiy okrugınıñ arbiy mahkemesi yanvarniñ 12-nde yerli saatnen 10:00-da (Kyiv saatınen 9:00-da) Qarasuvbazardaki «Hizb ut-Tahrir davasınıñ» mabüsleri Enver Ömerov, Riza Ömerov ve Ayder Cepparovnıñ ükmüni seslendirdi. «Olar davalarınıñ siyasiy sebepleri bar, dep ayttı. Olarnıñ fikirince, bu cinaiy dava bütün qırımtatar halqına milliy ve diniy alâmetler boyunca basqı ola», – dep ayttı advokat Nazim Şeyhmambetov. Ukraina aq qorçalayıcı teşkilâtları Rusiyeden bütün siyasiy mabüslerni, hususan Qarasuvbazardaki «Hizb ut-Tahrir davası» mabüslerini acele azat etmesini talap ete.