Link açıqlığı

Ukrainadaki kerginlikni desteklegen ve sıñırları yanında silânı köstergen Vladimir Putin, apansızdan ordularını qaytarğanı ve talimniñ yekünlegeninen bağlı sualge Peterburgdaki iqtisadiy forum cevap berdi. Tamam bu yerde Putin birinci kere yañı ukrain yolbaşçıları ile dialog qurulması mümkünligi ve onıñ tanılması aqqında söz yürütip başladı. Tamam bu yerde Rusiye prezidenti devletniñ kelecegine tesir etecek iqtisadiy sanktsiyaları sebebinden raatsız olğanını kösterdi.

«Bizge nasıldır üçünci dereceli sanktsiyalar aqqında aytalar. Menim bunen bağlı sualim bar: ne sebepten? Yahşı, belki de şeriklerimiz iñqiraz quvetleşkeni zaman bir de bir şeyni begenmediler, bu cümleden, Qırım ile bağlı olması mümkün – sanktsiyalar qabul etildi. Keçenlerde Tailandta zelzele olıp keçti, adamlar öldi. Belki bundada qabaatlımız? Ukrainada vatandaşlar ara cenk başlana yatır, bizim ise buña ne alâqamız bar?» - dedi Putin.

Bu sözler arqalı Putin, sanktsiyalar kirsetilüvi onı raatsız etkenini kösterdi. Elbette, Rusiye prezidenti evelden olğanı kibi, qomşu devlette vaziyet daa beter olmasını istey, amma, aynı zamanda Rusiye zarar körmemesi arz ete. Yani er alda, Putin muqaytlıqnen areket etecek, ücretli askerlerni qullanır, amma, ordularnı kirsetmez ve Qırımda olğanı kibi, topraqlarnı işğal etmez.
Владимир Путин на Петербургском экономическом форуме, 23 мая 2014 года
Владимир Путин на Петербургском экономическом форуме, 23 мая 2014 года







Ordularnıñ keri çekilmesi, em de Putinniñ Peterburgtaki çıqışı – bunıñ episi Ğarp ve yatırımcılar içün bir işarettir. Ve Rusiye, Ukraina içün haberdir. Pütinge yaqın olğan Rusiyeniñ sabıq maliye naziri Aleksey Küdrin şunı qayd etti: «Forum devamında eñ çoq beklenilgen bu sözler edi. Bugünde bugün Ukrainadaki vaziyet eyileşecegine ümüt bar, demek iş-adamları da özlerini daa emin duyarlar».

Ukraina içün ise, bu Donbasstaki antiterroristik operatsiyası yekünlenecegi ve rus ücretli askerlerniñ diger regionlarğa keçmeyceklerini bildire. Demek, devlet raatlıqqa çıqıp, küçlü Arbiy quvetleri ve mahsus hızmetlerni teşkil etip, vaziyet ağır olğan regionlarda meselelerni çezmege ve iqtisadiy islâatlarnı ötkermege vaqıt olacağına ümüt bere.

Bundan evel, Putinge, Qırımda olğanı kibi, ğalebe ve numayışlar kerek olğanı aqqında yazğan edim – yasaq tedbirleri ve onıñ «yeşil adamçıqlarına» qarşılıq kösterilgenini o iç te qabul etmey. İtiraz ile qarşılaşqan soñ, işğal etilgen Qırımğa ne qadar para masraf etilgenini körip, Putin yavaşçıqtan keri aylandı. Amma, eñ esası yiberilmemek, çünki o qayta bile.

Vitaliy Portnikov, Kiyev mühbiri ve siyasiy izaatçı, Azatlıq Radiosınıñ közeticisi


«Fikir» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün
XS
SM
MD
LG