Ukraina prezidenti Volodımır Zelenskıy İsrail prezidenti İtshak Gertsog ile körüşüv vaqtında Qırım ile bağlı yañartılğan qararlar Birleşken Milletler Teşkilâtına yılnıñ soñunace taqdim etecegini bildirdi. Bunı Prezident ofisiniñ matbuat hızmeti haber etti.
Zelenskıy, Ukrainanıñ topraq bütünligini desteklegeni içün İsrailge teşekkür etti ve İsrailniñ Qırımdaki insan aqları vaziyeti ile bağlı BMT qararlarına qoltutacağına ümüt etkenini bildirdi.
«Böyle fikir ileride de olacağını bekleymiz. Hususan, BMT çerçivesinde. Anda bu yılnıñ soñunace Ukraina Baş Assambleyanıñ baqıluvına işğal etilgen Qırımdaki insan aqları vaziyetine ve yarımadanıñ arbiyleştirilüvine dair yañartılğan qararlarnı taqdim etecek», – dep yazıla bildirmede.
Ukraina prezidenti Volodımır Zelenskıy New Yorktaki BM Baş Assambleyasınıñ 76-ncı sessiyasında çıqışta bulunıp, işğal etilgen Qırımdaki vaziyet aqqında tarif etti.
BM Baş Assambleyası Donbas ve Qırım meseleleri çezilecek meydançıqlardan biri ola, dep tüşüne Ukraina prezidenti Volodımır Zelenskıy.
Ukraina Tış işler naziri Dmıtro Kuleba Volodımır Zelenskıynıñ BM Baş Assambleyasınıñ sessiyasında iştirak etmek içün ABDge kerçekleştirecek ziyareti vaqtında «bütün muzakerelerde Qırım qırmızı yip» olacaq, dep bildirgen edi.
