Ukraina ve Türkiye Cumhuriyetiniñ arbiy istihbarat hızmetleriniñ reberleri Qara deñizde ve Ukraina etrafında işbirlikni tereşleştirmege keliştiler. Bunıñ aqqında Facebook Ukraina Mudafaa nazirliginiñ Baş istihbarat ofisi bildirmekte.
Müessiseniñ malümatına köre, Ukraina arbiy istihbaratınıñ başı Kirill Budanov Türkiye cumhuriyetini ziyareti vaqtında Türkiye zenaatdaşı Rafet Dalkiran ile körüşken.
"Tedbir vaqtında arbiy istihbarat hızmetleriniñ reberleri dünyada, Qara deñiz bölgesinde ve Ukraina etrafında vaziyetniñ alını ve inkişaf tendentsiyalarını muzakere etip, er eki memleketniñ milily telükesizligine bar ve ola bilgen tehditlerni, olarnıñ menbalarını, kerginleşme telükelerini ve olarnıñ yoq etilüv tedbirlerini közden keçirdiler. Bundan ğayrı, Ukraina ve Türkiye arbiy istihbarat hızmetleri arasında işbirlikni tereşleştirimege ve faalleştirmege keliştiler", - dep yazıla bildirmede.
Türkiye Qırımda ve Rusiye topraqlarında tutulğan ukrain ve qırımtatar siyasiy mabüsleriniñ azat etilüv meselesinde «semereli ortaqtır» - Rustem Umerov.
2022-nci seneniñ başında Türkiyeniñ yardımı ile Hersonda ve Mıkolayivde Qırımdan mecburen köçip ketken qırımtatarlar içün 400 daireniñ qurulması başalna bile - İrına Vereşçuk.
