Ukraina TİN yolbaşçısınıñ birinci muavini Emine Ceppar qırımtatarlarnıñ evlerinde keçirilgen yañı tintüvlerni izaat etip, Rusiyeni "Qırımdan def olıp ketmege" ve qanunsız sürette tutulğan bütün Ukraina vatandaşlarını azat etmege çağırdı.
"Qırımda qırımtatarlarnıñ evlerinde nevbetteki tintüv dalğası. Dört faal yaqalandı. Rusiye qıdırğan telükesizlikniñ eñ yahşı kefaleti, ordusınen beraber işğal etilgen topraqlardan def olıp ketmek ve bütün Ukraina vatandaşalrını azat etmektir", - dep yazdı o.
Rusiye başlıqları Emine Cepparnıñ sözlerini şimdiilk daa izaatlamadı,
Hatırlatamız ki, işğal etilgen Qırımda fevralniñ 9-nda saba Rusiye quvetçileri Ansar Osmanov, Ernest Seytosmanov, Marlen Mustafayev ve Amethan Abdulvapovnıñ evlerinde tintüv keçirdi.
Fevrlniñ 9-nda saba Rusiye quvetçileri tarafından yaqalanğan qırımtatarlarnıñ aqrabaları, tintüvler saba saat 4-te başlanğanını, aynı zamanda telefon alâqası ve advokatlarnen bağlanmağa çaresi olmağanını bildirdiler. Tutulğan qırımtatar faali Ansar Osmanovnıñ ömür arqadaşı Meryem, saba keçirilgen tintüv vaqtında Rusiye quvetçileri kitaplar qoyıp ketkenini bildire.
"Qırım birdemligi" cemaat birleşmesinde qayd etkenleri kibi, tutulgan Ansar Osmanov, Ernest Seytosmanov ve Marlen Mustafayev"Qırım musulmanları davaları"nıñ mahkeme oturışlarına qatnağan faallerdir.
