Link açıqlığı

Saatnıñ esas haberi

«Qırımlı siyasiy mabüslerge yardım kerek»: Ukraina Tış işler nazirligi Rusiye ile diplomatik munasebetleri ne içün toqtatılmağanını añlattı


Bodnar Vasıl
Bodnar Vasıl

Kremlniñ siyasiy mabüsleri ve Rusiye apsinde tutulğan biñlernen diger ukrainalı Ukrainanıñ Rusiyede diplomatlarını qaldırğanınıñ ve Moskva ile diplomatik munasebetlerini toqtatmağanınıñ sebepleri ola, dep bildirdi Ukraina Tış işler naziriniñ muavini, Ukrainanıñ Türkiye Cumhuriyeti fevqulâde ve vekâletli elçisi Vasıl Bodnar «Dom» telekanalınıñ yayınında.

Onıñ aytqanına köre, Ukraina Rusiye ile diplomatik munasebetlerini toqtatmadı, çünki iç bir memleket Kiyvniñ menfaatlarını Moskvada temsil etmege razı olmadı, «bu qarar cenk areketleri başlağan 2014 senesinde qabul etilmeli edi».

«Millionlarnen ukrainalı Rusiyede buluna. O vaqıt para qazana ediler, şimdi farqlı sebepleri bar. Diplomatik bulunuvımız konsullıq işine esaslana. Yani konsullar vatandaşlarımıznı vesiqalarnen temin ete, apishanelerde ziyaret ete, anda biñlernen insan tutula, ve qırımlı siyasiy mabüsler bar, menfaatlarımız mahkemelerde, başqa müessiselerde temsil etile», – dedi o.

Bodnar, Ukraina ve Rusiye arasındaki diplomatik munasebetler tek konsullıq hızmetlerinen sıñırlana, şimdi memleketler arasında diplomatik bulunuv pek alçaq seviyede: ne Rusiyede Ukraina elçisi bar, ne Ukrainada Rusiye elçisi bar.

Ukraina prezidenti Volodımır Zelenskıy BM Baş kâtibi Antonio Guterres ile körüшип, Qırımda, Donbasta ve Rusiyede tevqif etilgen 450 ukrainniñ azat etilmesinde yardım etmesini istep cedvel berdi.

Ukraina Yuqarı Radasınıñ Ansan aqları vekâletlisi Lüdmila Denisova 405 Ukraina vatandaşı azatlıq marum etilgenini bildirgen edi. Olarnıñ arasında 93 qırımtatardır.

Volodımır Zelenskıy Qırım kütleviy haber vastalarına bergen intervyüsında Kreml ukrainalı siyasiy mabüslerni, hususan qırımlılarnı apiste azat etüv esnasını «toqtata», dep bildirgen edi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG