Ukraina Mudafaa nazirligi, Büyük Britaniyanıñ HMS Defender eskadron mina taşıyıcısı etrafında yüz bergen adiseler vaqtında Rusiye onıñ nezareti altında olğan haber vastalarınıñ yardımınen «utanmazca yalan haberlerniñ yayınlanmasını qullandı», dep bildirdi.
«Resmiy diplomatiyanıñ quru tili vaziyetni doğuttı: Büyük Britaniya ADQ eskadron mina taşıyıcısı içün olğan telükeni Rusin arbiyleriniñ planlanştırılğan talimleri dep kösterdiler. Ğaliba rusla böyle etip, Qara deñizde saip olğanlarını köstermek istediler, amma Britaniya deñizcileriniñ mevamı buña yol bermedi dedi», – Andriy Taran Azatlıq Radiosına.
Mudafaa naziri Andriy Tarannıñ aytqanına köre, bugünki adiselerni köz ögüne alıp, Ukraina türlü adiselerge azır olmalı.
«Şimdi buña cevap olğan variantlarnı qaıdırmalımız: 1. Bu Ukraina ve Büyük Britaniya arasında tizilgen añlaşmağa RF-nıñ cevabı edi. 2. İyünniñ 28-nde başlanacaq «Si Briz-2021» talimlerge mania. 3. Ukrainanıñ NATO azası olacağı istiqbaline RF-nıñ cevabı. 4. 2018 senesi ukrain katerlerinen yüz bergen vaqianı tekrarlamaq. 5. Malümat psihologik ameliyat», – dedi nazir.
Büyük Britaniya Mudafaa naziirligi, Rusiye haber vastalırınıñ iyünniñ 23-nde Qırımda Fiolent burnu civarında Rusiye devriye gemisi Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açqanı ve Su-24M bombardıman uçağı ise tenbi bombalar atqanı aqqında haberleri tefsir etti.
Rusiye TİN matbuat kâtibi Mariya Zaharova, HMS Defender eskadron mina taşıyıcısınen yüz bergen adise aqqında haberler sebebinden Britaniya elçisini çağıracaqlarını bildirdi.
Bugün, Qırımda Fiolent burnu civarında Rusiye devriye gemisi Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açtı, Su-24M bombardıman uçağı ise tenbi bombalar attı.
Ukraina TİN başı Dmıtro Kuleba, Rusiye devri gemisiniñ Fiolent burnu civarında Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açılğanı aqqında matbuattaki haberge cevap berdi.
İyünniñ 21-nde, bazarertesi künü, Odesada Büyük Britaniya Arbiy-deñiz flotunıñ HMS Defender raketa eskadron mina taşıyıcısında Ukraina Mudafaa naziriniñ muavini Alekesandr Mironük ve Büyük Britaniya Mudafaa satın almalar meseleleri naziri Ceremi Kvin Birleşken Qırıllıq ve Ukraina ADQ arasında deñiz işbirligi leyhası aqqında memorandum imzaladılar.
İyünniñ 18-nde Odesa limanına eki NATO gemisi kirdi. Büyük Britaniya ADQ-niñ «Defender» eskadron mina taşıyıcısı (HMS Defender, D36) ve Felemenk ADQ-niñ «Evertsen» Ava mudafaası fregatı (HNLMS Evertsen, ili Zr.Ms. Evertsen, F805).
İyünniñ 23-nde Rusiyeniñ ABD-deki elçiligi Birleşken Devletlerni ve olarıñ ittifaqdaşlarını Qara deñizde arbiy talimlerde iştirak etmemege çağırdı.
