İlhaq etilgen Qırımda "ukrain turistler aqqında malümatnen manipulâtsiya yapalar, olarnıñ sırasına yarımada sakinlerini de qoşalar", dey Ukraina Devlet Sıñır Hızmeti.
"Qıta Ukrainadan "bir milliondan çoq" ilhaq etilgen Qırımğa barğanı aqqında aytqanları - saçmadır. Bu miqdar, vaqtınca ilhaq etilgen topraqnen memuriy sıñırnı keçken bütün adamlarnıñ sayısınen bir kele", - denile ukrain müessisesiniñ beyanatında.
Ukraina Devlet Sıñır Hızmeti qayd etkeni kibi, Qırımda raatlanğanar dep, evge qaytqanlarnı, soy-sopunı ziyaret etkenlerni de sayalar.
Qırımnıñ rusiyeli başı Sergey Aksönov, yılnıñ başından berli Qırımnı 6 million 870 biñ adam ziyaret etkenini bildirdi. Bundan ğayrı o, 1 milliom 35 biñ adam Qırımğa qıta Ukrainadan kelgenini qoştı.
Ukraina Devlet sıñır hızmeti, Qırımda qıta Ukraina turistleriniñ sayısını qabatrıp aytalar, dep bir qaç kere bilidire ediler. Müessise, Qırım akimiyeti, mumuriy sıñırdan keçken bütün adamlarnı "turist" kibi sayğanını qayd ete.
