Rostov-na-Donudaki Ukraina baş konsulı Taras Malışevskiy dekabrniñ 17-nde saba Rusiye quvetçileri tarafından Eski Qırımda tintüv vaktında tutulğan Nariman Ametovnıñ Rusiye Federal telükesizlik hızmetiniñ iskencelerge oğratılması aqqında malümatqa qarşılıq kösterdi.
«Qırımdaki yüz bergen qanunsızlıq aqqında pek yahşı bilemiz. Şimdi anda Ukraian akimiyeti buna iç bir türlü tesir etip olamay. Bizim bildirüvlerimiz halqara toplulıqqa yalıñız muracaatlar kibi ola bile. Bu TİN, uquq qoruyıcı teşkilâtlar tarafında yapılmaq kerek. Bu ikâye diqqatsız qalmaz ve oña lâyıq qarşılıq kerek», – dedi Malışevskiy «Qırım birdemligi»ne.
Dekabrniñ 17-nde saba Rusiye quvetçileri tarafından Eski Qırımda tintüv vaqtında tutulğan qırımtatarı Nariman Ametov Rusiye FSBsiniñ hadimleri tarafından elektrik aqımınen işkencege oğratıldı.
Hatırlatamız, dekabrniñ 17-nde saba Eski Qırımda Rusiye quvetçileri qırımtatarı Nariman Ametovnıñ evini tintti. O, tutuldı, onı belli olmağan yerge alıp kettiler. Narimannıñ ömür arqadaşı Elmaz Ametova, aqayı qırımtatar faalleri Nariman Celâl ve ağa-qardaş Ahtemovlar qabaatlanğan Anğara köyünde «gaz borusındaki diversiyağa» alâqası bar olğanından şübheli sayıla, dep bildirdi. Advokatlar bu malümatnı tasdıqlamay. Soñra faaller «Ametovnıñ bulunğan yeri belli degil», dep bildirdi.
