AQŞ prezidenti Donald Trump, Rusiye tış işleri naziri Sergey Lavrovnı, AQŞ-nda keçecek saylavarğa kirişmekten saqındırdı ve "Ukraina ile çatışmanı çezmege" çağırttı, denile dekabr 10-unda Washingtonda keçken körüşüv aqqında Beyaz Evniñ beyanatında, dep haber ete Azatlıq Radiosı.
Bundan ğayrı Trump, tek Rusiyeniñ degil, amma Qıtaynıñ da "semereli global silâ nezaretine" qol tuttı.
AQŞ prezidenti, İrannıñ özek silâsınıñ işlep çıqarmasını toqtatmasında ve Şimaliy Koreyanıñ özek silâsızlandırılmasında Rusiyeden destek soradı.
Lavrovnıñ ziyareti, Pariste dört taraflı muzakerelerden soñ ertesi künü oldı.
Pompeo ve Lavrov, bir sıra halqara ve eki taraflı meselelerni muzakere etti.
AQŞ-nıñ Devlet kâtibi Mike Pompeo, dekabrniñ 10-unda Washingtonda Rusiye Tış İşler Naziri Sergey Lavrovnen körüşkende, ukrain Qırımnıñ qanunsız ilhaqını hatırlattı.
