Tiflis (Tbilisi) şeer mahkemesi, bazarertesi künü, niyabr 18-inde keçken narazılıq aktsiyasında tutulğan adamlarnıñ davalarını baqa. 37 adam yaqalanğan edi. Olarnı çapqınlıq ve poliske itaarsızlıqta qabaatlaylar, dep yaza Azatlıq Radiosı.
Tutulğan narazılıq aktsiyasınıñ iştirakçileri, qabaatını tanımaylar, dep ayttılar. Olarnıñ arasında cemaatçılar ve advokatlar bat. Olarğa qol tutmaq içün mahkeme binasına onlarca adam keldi.
Gürcistan polisi, narazılıq aktsiyasınıñ iştirakçilerini suvatqıçnıñ yardımınen dağıta edi ve yigirmige yaqın adamnıyaqaladı. Nazirlikniñ malümatına köre, çatışma vaqtında altı adam yaralandı, olardan ekisi - polis hadimleri. Quvetçiler bütün soqaqlarnı boşattı, parlament kirişlerini açtı ve Rustaveli adına baş caddeni çadır şeerinden azat etti.
Gürcistan parlamenti, mütenasip saylav sistemasına keçmekni red etken soñ, noyabr 14-ünde Tifliste narazılıq aktsiyaları başlandı. "Gürcistan arzusı" üküm partiyası, evelce vesiqağa qol tutar, dep vade etken edi, amma soñ rey berüvde deñişmelerni qabul etip olamadılar. Narazılıq bildirgenler mütenasip saylav sisteması boyunca nevbetten tış parlament saylavlar ötkerüvini, ükümet istifa etüvini ve ameldeki Merkeziy saylav komissiya erkânı deñiştirüvni talap etti. İİN-niñ malümatına köre, parlament binası yanındaki aktsiyada beş biñden çoq adam iştirak etti.
