"Strategiya-30" teşebbüsiniñ faalleri Moskovada mayıs 30-ında siyasiy mabüslerge qol tutuvnıköstermek içün bir sıra aktsiya keçridi. Piketçiler Qırım "Hizb-ut Tahrir davalarını" hatırlatqan yazılarnı ellerinde tuttı, qırımtatar halqına destegini bildirdi, "siyasiy basqını toqtatmağa" talap etti, bildirde Qırım.Aqiqatqa teşebbüsniñ iştirakçisi Vera Lavreşina.
"Balalar Künüdir, olar ise babalarnı oturtalar! Hizb ut-Tahrirge aitliginde qabaatlanğanlarnıñ aman-aman episi çoq balalı babalar da!", - dedi faal.
Bundan ğayrı Lavreşina, şu künde faallerni küç organları hadimleri közetkenini ve memuriy protokollarnen toqtatmağa tırışqanını qoştı.
Martnıñ 30-nda aqşam Moskvada «Strategiya-30» Rusiye teşebbüsiniñ faalleri siyasiy mabüslerniñ azatlığı içün daa bir aktsiya ötkerdi. Olar koronavirus tarqalğanda azatlıqtan marum etüv yerlerinde bulunmaq, hususan Rusiye apishanelerinde tutulğan qırımlılar içün ne qadar telükeli olğanını hatırlattı. Aktsiya pandemiya şaraitlerine köre yapıldı.
«Strategiya-30» aktsiyasınıñ çerçivesinde Rusiye oppozitsiya faalleri ukrain siyasiy mabüslerine qoltutu aksiyalarını muntazaman keçire. Olar silâsız piket ve aktsiyalarğa çıqıp, siyasiy mabüslerniñ azat etilmesini, Ukrainağa qarşı tecavuznıñ toqtatılmasını ve Qırımnıñ işğalden boşatıluvını talap ete.
