«Strategiya-30» Rusiye teşebbüsiniñ faalleri martnıñ 30-nda aqşam Moskvada siyasiy mabüslerniñ azatlığı içün daa bir aktsiya ötkerdi. Olar koronavirus tarqalğanda azatlıqtan marum etüv yerlerinde bulunmaq, hususan Rusiye apishanelerinde tutulğan qırımlılar içün ne qadar telükeli olğanını hatırlattı. Aktsiya pandemiya şaraitlerine köre yapıldı, dep tarif etti tedbir iştirakçisi Vera Lavreşina Qırım.Aqiqatqa.
«Sankt-Peterburgda ve Moskvada bütün narazılıq aktsiyalarına izin berilmey, özümiz de şimdi soqaqqa çıqıp, bir numayış yapmağa tevsiye etmeymiz. Yalıñız internet qullanıcıları içün simvolik bir fleşmob keçirdik – tibbiy maskalar taqıp ve keçkenlernen alâqada olmayıp, Moskvanıñ Ğarbiy okrugında. Bugünki vazifemiz – er keske ve er bir insanğa COVID-19 pandemiya vaziyetinde Rusiye apishanesinde bulunuv mabüslerniñ ayatı içün telükeli olğanını hatırlatmaqtır», – dep añlattı Lavreşina.
Onıñ qayd etkenine köre, internette malümat tarqatmaq pek emiyetli ola.
«Şimdi ağdaki fleşmob pek müim! Bir çoq insan cemaat fikrini deñiştire bile, virus olğan soqaqqa çıqmayıp, ağda, keniş destek almaq mümkün. Ne qadar hucur olsa da, bir çoq insan evde oturıp, birdemlik köstermege ögrene, çünki daa evel belli olmağan şeylerni diqqatnen baqmağa vaqıt bar. Siyasiy mabüsler içün amnistiya – bu ğaye ağnı sarmalı. Bu pek müim», – dep qayd etti Lavreşina.
Aq qorçalayıcı ve cemaat teşkilâtları dünya toplulığına muracaat etip, Rusiye işğal etken Qırım apishanelerinde koronavirus tarqaluv telükesine seslenmesine çağırdı.
