Rusiye nezaretindeki Qırımnıñ Qarasuvbazar rayon mahkemesi "Taygan" parkınıñ saibi Oleg Zubkovnıñ turista Olga Solomina tişlenilgeninden sebep "belli areketlerniñ yasaq etilüvi" boyunca sıñırlav tedbirlerini uzattı.
Bunı Zubkov mayıs 25-inde mahkeme oturışından soñ ayttı.
"Olga Solominanıñ davası boyunca nevbetteki mahkeme oturışı bitti. Ekspertiza kelmegeni bizge belli edi. Oturış, mahkemeci sıñırlav tebdirini uzarqanı içün çoqqa sürdi. O, iyün 3-ünden avgustnıñ 3-ünece uzatıldı. Dava sozula. Amma aytmaq isteyim ki, vesiqalar ekspertizağa berilgeninden bir aydan çoq keçti, lâkin teşkerüv öyle de daa yapılmadı", - haber etti Oleg Zubkov.
O, kelecek mahkeme oturışı iyün 5-ine tayinlengenini bildirdi.
"Dava soñuna kele ve, bellesem, iyünde bitmek kerektir. Endi bu dava boyunca üküm ve qarar çıqarılmalı", - neticeledi Zubkov.
Aprelniñ 29-ında Rusiye nezaretindeki Qarasuvbazar rayon mahkemeniñ mahkemecisi Tatyana Balema "Taygan" arslanlar parkınıñ saibi Oleg Zubkovğa qarşı cinaiy davanıñ baqılmasını belli olmağan tarihke avuştırtı.
Martnıñ 19-ında bildirilgeni kibi, "Taygan" arslanlar parkınıñ saibi Oleg Zubkov haber etkeni kibi, mahkeme onıñ parkında tişlengen qadın Olga Solominanıñ davası boyunca qoşma tibbiy teşkerüvni keçirmek ükmüni çıqardı.
Martnıñ 19-ında bildirilgeni kibi, "Taygan" arslanlar parkınıñ saibi Oleg Zubkov haber etkeni kibi, mahkeme onıñ parkında tişlengen qadın Olga Solominanıñ davası boyunca qoşma tibbiy teşkerüvni keçirmek ükmüni çıqardı.
2018 senesi iyülde “Taygan” parkında arslan turist Olga Solominanı tişlegen. Qadınıñ aytqanına köre, “Taygan” müdiri Oleg Zubkov o yerde edi, amma arslannı birden tınçlatıp olamadı.
Zubkov ise, Solomina sarğoş olıp, arslanğa qaşanğanğan ve bunıñ içün ayvan onı tişlegen, dep ayta.
2014 senesi Rusiyeniñ yarımada ilhaqına qoltutqan qırımlı iş adamı Oleg Zubkovnıñ Qırımnıñ Rusiye akimiyetinen zıddiyeti bar. Oleg Zubkov, mal-mülki bulunğan topraq damartılarınıñ vesiqalarını beş yıldan berli resmiyleştirip olamay, dep bildire.
Qırım işğali devamında Zubkov Kreml kontrolindeki Qırım akimiyeti tarafından oña nisbeten para cezaları ve qabaatlavlarnen bağlı tahminen 500 mahkeme oturışuvına bardı.
2014 senesi Rusiyeniñ yarımada ilhaqına qoltutqan qırımlı iş adamı Oleg Zubkovnıñ Qırımnıñ Rusiye akimiyetinen zıddiyeti bar. Oleg Zubkov, mal-mülki bulunğan topraq damartılarınıñ vesiqalarını beş yıldan berli resmiyleştirip olamay, dep bildire.
Qırım işğali devamında Zubkov Kreml kontrolindeki Qırım akimiyeti tarafından oña nisbeten para cezaları ve qabaatlavlarnen bağlı tahminen 500 mahkeme oturışuvına bardı.
