"Taygan" arslanlar parkınıñ saibi Oleg Zubkov haber etkeni kibi, mahkeme onıñ parkında tişlengen qadın Olga Solominanıñ davası boyunca qoşma tibbiy teşkerüvni keçirmek ükmüni çıqardı.
"Advokat, mahkemege berilgen ekspertizada bayağı kelişmemezlikler olğanını tasdıqladı. Moskova ve Yekaterinburg şeerlerini mahkeme ekspertizaları merkezlerinde daa eki qoşma neticeler kösterildi, olar ekspertizanıñ yalıñız kelişmemezliklerini degil de, sahteligini de açıqlay", - aytıp berdi Zubkov.
Onıñ malümatına köe, bu dava boyunca nevbetteki oturış aprelniñ 29-ına belgilendi.
Solomina bu dava boyunca açıq tefsirlerde vazgeçe.
Daa evel Rusiyedeki Krasnodar Kassatsiya mahkemesi "Taygan" arslanlar parkınıñ saibi Oleg Zubkovnıñ "Arslanlar ile kezinti" hızmetine yasağına apellâtsiyasını lâğu etti.
2018 senesi iyülde “Taygan” parkında arslan turist Olga Solominanı tişlegen. Qadınıñ aytqanına köre, “Taygan” müdiri Oleg Zubkov o yerde edi, amma arslannı birden tınçlatıp olamadı.
Zubkov ise, Solomina sarğoş olıp, arslanğa qaşanğanğan ve bunıñ içün ayvan onı tişlegen, dep ayta.
2014 senesi Rusiyeniñ yarımada ilhaqına qoltutqan qırımlı iş adamı Oleg Zubkovnıñ Qırımnıñ Rusiye akimiyetinen zıddiyeti bar. Oleg Zubkov, mal-mülki bulunğan topraq damartılarınıñ vesiqalarını beş yıldan berli resmiyleştirip olamay, dep bildire.
Qırım işğali devamında Zubkov Kreml kontrolindeki Qırım akimiyeti tarafından oña nisbeten para cezaları ve qabaatlavlarnen bağlı tahminen 500 mahkeme oturışuvına bardı.
2014 senesi Rusiyeniñ yarımada ilhaqına qoltutqan qırımlı iş adamı Oleg Zubkovnıñ Qırımnıñ Rusiye akimiyetinen zıddiyeti bar. Oleg Zubkov, mal-mülki bulunğan topraq damartılarınıñ vesiqalarını beş yıldan berli resmiyleştirip olamay, dep bildire.
Qırım işğali devamında Zubkov Kreml kontrolindeki Qırım akimiyeti tarafından oña nisbeten para cezaları ve qabaatlavlarnen bağlı tahminen 500 mahkeme oturışuvına bardı.
