Qırımda "Tavrida" trassasında iyülniñ 12-sinde saba Hyundai ve Ford Transit mikroavtobusınıñ iştiraginen yol qazası oldı. Adise neticesinde mikroavtobusnıñ aydavcısı elâk oldı, dep bildire Rusiye FVN-niñ Qırım idaresi.
Müessisege köre, qaza Qarasuvbazar (Belogorskoye) rayonınıñ Krımskaya Roza köyü yanında oldı.
"Krım-Spas" şirketiniñ mütehassısları, maşnada qısılğan Ford Transit aydavcısını çıqardı, amma, yazıq ki, qaza neticesinde onıñ, ayatqa uymağan yaraları oldı. Qazağa oğrağan daa üç adamnı Aqmescit ve Qarasuvbazar hastahenelerine alıp kettiler", - denile beyanatta.
Bir qaç kün evel Qarasuvbazar yanında "Tavrida" trassasında "Reno Megan" ve ZİL 130 gaz taşıyıcısı çatıştı.
Qırımlı qurtarıcılarnıñ bildirgenine köre, Qırımda ciddiy yol qazalarınıñ sayısı arttı. Qırımda 2019 senesiniñ birinci üç ayında keçken yılğa baqqanda bir buçuq qat ziyade aydavcı mesüliyetke çekildi.
