Tünevin Qırımda Yedi Quyu (Leninskiy) rayonında bir qaç yol qazası oldı, olarda eki adam elâk oldı, 11-isi yaralandı.
Bunı Rusiye FVN-niñ Qırım idaresi bildirmekte.
"Yedi Quyu rayonında türlü vaqıtta üç yol qazası oldı. Birisinde aydavcı, "Tavrida" trassasınıñ qarşı yolağına çıqtı, bunıñ neticesinde altı adam yaralandı, bir kişi elâk elâk oldı. Ekinci qazada VAZ2106 maşnasınıñ aydavcısı idareni baş etip olamayıp, qorağa uruldı, neticede dört adam yaralandı, birisi keçindi", - denile beyanatta.
Keçken bazar künü Qarasuvbazar (Belogorsk) rayonında "Tavrida" trassasında yol qazası oldı. "Kamaz" aydavcısı idareni baş etip olamayıp, avdarıldı, bir adam yaralandı.
Yañı "Tavrida" trassasına, sıq-sıq olğan qazalar içün "ölü yolu" deyler.
