Link açıqlığı

Saatnıñ esas haberi

"Tavrida" trassasında patapat ve yük maşnası çatışmasında eki adam yaralandı


Salı künü "Tavrida" trassasında Qırımnıñ Yedi Quyu (Leninskiy) rayonınıñ Dere Salın (Çistopolye) köyü burulışı yanında kene bir yol qazası oldı - Yamaha patapatı ve yük maşnası çatıştı. Yaralanğanlar bar.

Bu aqta Rusiye FVN-niñ Qırım idaresiniñ matbuat hızmeti bildirdi.

"Yol qazası neticesinde patapat aydavcısı ve yolcusı biraz zarar kördi", - dep aytıp berdi müessise başı Sergey Şahov.

Qırım qurtarıcıları kene yollarda sürat rejimine uymaqnıñ emiyetini hatırlata.

"Tavrida" trassasında iyülniñ 12-sinde saba Hyundai ve Ford Transit mikroavtobusınıñ iştiraginen yol qazası oldı. Adise neticesinde mikroavtobusnıñ aydavcısı elâk oldı

Yañı "Tavrida" trassasına, sıq-sıq olğan qazalar içün "ölü yolu" deyler.

Qırımlı qurtarıcılarnıñ bildirgenine köre, Qırımda ciddiy yol qazalarınıñ sayısı arttı. Qırımda 2019 senesiniñ birinci üç ayında keçken yılğa baqqanda bir buçuq qat ziyade aydavcı mesüliyetke çekildi.

XS
SM
MD
LG