Krımskaya Roza köyü yanında "Tavrida" trassasında bazaertesi künü, yanvarniñ 6-sında üç adam yol qazasında yaralandı. Olarnıñ birisi elâk oldı. Bunı yanvarniñ 7-sinde rusiyeli Qırım FVN-niñ matbuat hızmeti bildire.
Qurtarıcılar qaza yerine kelgen soñ, yolda 4 maşna çatışqanını bildi. Üç adam yaralandı, bir adam elâk oldı.
"Çeşit-türlü seviyedeki yaralar ile adamlarnı acele yardımğa berdiler. Elâk olğan adam ise maşna içinde sıqılğan edi. Qurtarıcılar mahsus alet ile cesetni maşnadan çıqardı", - dep yaza müessise başı Sergey Şahovnıñ sözlerinden matbuat hızmeti.
Qurtarıcılar, qaza yerinde "Krım-Spas"nıñ Qarasuvbazar bölügi, GİBDD ve acele yardımnıñ hadimleri çalışqanını qayd etti.
Yanvarniñ 2-sinde gece "Yalta-Aqmescit" yolunda maşna piyadeni urdı, onı yoldan tik bir capqa attı.
Daa evel Aluşta civarındaki yük maşinası ve mikroavtobusnıñ yol qazası neticesinde sekiz kişi yaralandı.
