Link açıqlığı

Saatnıñ esas haberi

Aluşta civarındaki yol qazası: sekiz insan yaralandı


Aluşta civarındaki yük maşinası ve mikroavtobusnıñ yol qazası neticesinde sekiz kişi yaralandı. Bu aqta Qırımdaki Rusiye İç işler nazirliginiñ matbuat hızmeti bildirdi.

«Aqmescit – Aluşta yolunda Aşağı Şuma (Nijnâya Kutuzovka) köyüniñ rayonında mikroavtobus ve yük maşinasınıñ yol qazası oldı. Neticede qazada 8 kişi yaralandı», – dep aytıla haberde.

İç işler nazirliginiñ qayd etkenine köre, Volkswagen mikroavtobusınıñ aydavcısı telükesiz areket süratını almayıp, tayğalaq yoldan ketti. Neticede ileride ketken yük avtotsisternasınen çatıştı.

Mikroavtobus aydavcısı ve yedi yolcusı yaralandı.

«Tez kelgen Devlet avtoinspektsiyasınıñ hadimleri birinci yardım kösterdi, er kes tibbiy müessisege alındı», – dep qoştı matbuat hızmeti.

Politsiya hadimleri teşkerüv keçirdi, neticede protsessual qararlar alındı. Müessise malümatına köre, mikroavtobus sımarlanğan ticaret yolundan keçken edi.

İşğal etilgen Qırımnıñ yollarında sıq-sıq olğan yol qazaları sebebinden foto ve video registratorlarını qoymağa qarar berilgen edi.

Qırımdaki Rusiye İç işler nazirligi idaresiniñ hadimleri 2019 senesiniñ başından yol qazalarınıñ aqibetlerini yoq etmesine ve 1112 vatandaşqa yardım kösterilmesine 747 kere celp etilgenini hatırlatqan edi.

XS
SM
MD
LG