Avgust 25-inde "Hersones" fregatı, "Tavrida-ART" Rusiye gençler festivaliniñ iştirakçilerini Kefe yalısına ketirecek, anda ise olar şeerliler ve şeer musafirleri içün kontsertler yapacaq. Bunı Medeniy teşebbüsler inkişafı Merkeziniñ matbuat hızmeti bildire.
"Eski Qırımda Aleksandr Grinniñ müzey eviniñ hadimlerinen qonuşqanda, festivalniñ iştirakçilerini toplap, "Hersones" fregatına oturtmağa ğaye keldi, olar ise gemide Kefe yalısına yaldap, şeerliler ve şeer musafirleri içün kontsertler yapacaq, ve "Tavrida"nıñ icadı içün alan keñleşecek", - dep yaza Rusiye prezidenti memuriyeti başlığınıñ birinci muavini Sergey Kiriyenkonıñ sözlerinden RİA-Krım.
Daa evel Sudaqta kecken "Tavrida-ART" Rusiye gençler festivalinde avgustnıñ 24-ünde arbiy uçaqlar ve vertolötlar iştiraginen ava kösterişi kösterilecek edi.
Daa evel ilhaq etilgen Qırımda Sudaq yolunıñ bir qısmında kündüz yol areketi qapatılacaq, dep bildirilgen edi. Naqliyat yürüşiniñ sıñırlavı, "Tavrida - Art 2019" Rusiye gençler festivaliniñ keçirilmesinen bağlı.
Festival saytında yazılğanı kibi, "Tavrida - Art" - Rusiyede ilk icadiy topluluqlarnıñ festivalidir. Onıñ ğayesi "Tavrida" forumınıñ mezunlarında peyda oldı.
