Aqmescitniñ “Bovurçı” qasabası tamir işleri sebebinden elektrik teminatsız qalacaq. Bu aqta “Krımenergo” saytında aytıla.
Müessiseniñ bildirgenine köre, saat 8:00-dan saat 17:00-ğace "Avtobusnik", "Energiya", "Urojay", "Şinnik", "Prival", "Yagodka", "Domostroitel" ortaqlıqlarında yarıq olmaycaq.
Daa evel haber etile edi ki, temelli tamir neticesinde Aqmescitniñ bir qaç soqağında yarıq söndürildi.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik, Qırım öz generatorları, Rusiye generatorları ve Kuban energoköprüniñ elektrik ağını qullana.
