Yanvar 17-sinde cumaaqşamı künü Aqmescitniñ bir qaç soqağında bütün künge yarıq söndüriliecek.
Bu aqta “Krımenergo” müessiseniñ matbuat hızmeti bildirmekte.
Energetiklerniñ bildirgenine köre, yarıq söndürilüvi temelli tamirnen bağlı.
“Yanvar 17-sinde elektrik energiyası bu adreslerde mevcüt olmaycaq: Obyezdnaya soq., 4a, 5-9; Sevastopolskaya soq., 21, 23, 23/1, 23/2, 23/3, 23/4, 23/5, 23/6, 23/8, 25, 27, 58а/2а; Uçebnıy aralığı, 6”, - denile beyanatta.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik, Qırım öz generatorları, Rusiye generatorları ve Kuban energoköprüniñ elektrik ağını qullana.
