Azat Kırımlı
Aqmescit – Qırım işğal etilgen territoriya, Meclis ise, qırımtatar halqınıñ baş ştabıdır. Bunı Türkiy Halqlar Bütündünya Assambleyası tarafından bu afta tarqatılğan «Qırımtatar halqı ve Qırımda yaşağan diger türkiy halqlarğa teklifler» vesiqasında söz yürütile.
Türkiy Halqlar Bütündünya Assambleyası qırımtatar halqı VI – ncı Qurultayınıñ 2-nci sessiyasında qabul etilgen qararına qol tuta. Mezkür qarar boyunca qırımtatarlarnıñ tarihiy Vatanaı – Qırımda, yarımadada halqnıñ milliy-territorial cumhuriyetini ğayrıdan tiklenüvinen bağlı siyasiy ve uquqiy tedbirlerniñ başlanuvı aqqında beyan etile. Vesiqanı Assambleya reisi, akademik Yermentay Sultanmurat tarafından imzaladı.
Siyasiy ve ğayeviy küreş, milletniñ özelligini saqlap qalmaqnen beraber VATN halqnıñ iqtisadiy ceetinden inkişafını teklif ete. Bu maqsadqa irişmek içün Mecliske vaziyetni incelemek, halqnıñ inkişafı perspektivasını işlep çıqarmaq, vaziyetke köre doğru bir usullarnı seçmek ve daimiy sürette çalışacaq analitik gruppanı teşkil etmege teklif etile.
Qayd etmeli ki, VATN Ukraina Yuqarı Şurasınıñ mart 28 künü 2014 senesi qabul etken «Ukrainada qırımtatar halqını tamır halq olaraq tanıluvı» aqqında qararnı da alğışladı.
VATN, Qırım Rusiye Federatsiyası tarafından işal etilgen olsa da, Ukraina Yuqarı Şurasınıñ qbul etken qararı tarihiy emiyetke malik. Onda, «mustaqil Ukrainanıñ terkibinde olsa da, qırımtatar halqı Ukrainanıñ tamır halqı olaraq ve onıñ öz kelecegini belgilemek aqqınıñ yerine ketirilüvi tanıla. Ukraina kendisi ve halqara cemiyeti Qırımnı Ukrainanıñ bir qısımı olaraq tanığanı içün bu qarar ileride büyük neticeler ketire bile. Vesiqada, Ukraina qırımtatar halqınıñ Meclisini – icra organı, Qurultaynı da – vekâlet organı olaraq qbul etkeni qayd etile», – dep VATN izaat bere.
Assambleya bütün donya qırımtatarlarnı qabul etmek kerek olğanını bildire ve bunıñ içün Avropa Şurası, BMT, yetekçi devletleri elçihanelerniñ yanında barışıq mitinglernen irişmek mümkün, dep saya. «İşğalçiler tarfından keçirilgen «referendum» bir külünçli numayıştır, amma aqibetleri pek facialıdır», – qayd ete Assambleya.
VATN – dünyada olğan türkiy halqlar grajdanları, teşkilâtlarnı birleştirgen cemaat teşkilâtıdır. O 1991 senesi Qazanda meydanğa ketirildi. Umumen alğanda, VATN-nıñ 5 Qurultayı ötkerildi: Moskva, Qazan, Çeboksarı, İzmir ve Şımkentte keçirildi, reisi olaraq akademik, Qazahistannıñ cemaat erbabı, iş-adamı Yermentay Sultanmurat saylandı.
Faaliyetniñ esas noqtaları – türkiy halqlarnıñ birleşüvini temin etken, türkiy an-anelerniñ teşviqatı, olarnıñ esasında cemaatnıñ inkişafıdır. Bugünki künde türkiy halqlar qorantasına 40 ziyade halq kire, ve umumen, 200 milliondan ziyade insannı teşkil ete.
Aqmescit – Qırım işğal etilgen territoriya, Meclis ise, qırımtatar halqınıñ baş ştabıdır. Bunı Türkiy Halqlar Bütündünya Assambleyası tarafından bu afta tarqatılğan «Qırımtatar halqı ve Qırımda yaşağan diger türkiy halqlarğa teklifler» vesiqasında söz yürütile.
Türkiy Halqlar Bütündünya Assambleyası qırımtatar halqı VI – ncı Qurultayınıñ 2-nci sessiyasında qabul etilgen qararına qol tuta. Mezkür qarar boyunca qırımtatarlarnıñ tarihiy Vatanaı – Qırımda, yarımadada halqnıñ milliy-territorial cumhuriyetini ğayrıdan tiklenüvinen bağlı siyasiy ve uquqiy tedbirlerniñ başlanuvı aqqında beyan etile. Vesiqanı Assambleya reisi, akademik Yermentay Sultanmurat tarafından imzaladı.
Siyasiy ve ğayeviy küreş, milletniñ özelligini saqlap qalmaqnen beraber VATN halqnıñ iqtisadiy ceetinden inkişafını teklif ete. Bu maqsadqa irişmek içün Mecliske vaziyetni incelemek, halqnıñ inkişafı perspektivasını işlep çıqarmaq, vaziyetke köre doğru bir usullarnı seçmek ve daimiy sürette çalışacaq analitik gruppanı teşkil etmege teklif etile.
Qayd etmeli ki, VATN Ukraina Yuqarı Şurasınıñ mart 28 künü 2014 senesi qabul etken «Ukrainada qırımtatar halqını tamır halq olaraq tanıluvı» aqqında qararnı da alğışladı.
VATN, Qırım Rusiye Federatsiyası tarafından işal etilgen olsa da, Ukraina Yuqarı Şurasınıñ qbul etken qararı tarihiy emiyetke malik. Onda, «mustaqil Ukrainanıñ terkibinde olsa da, qırımtatar halqı Ukrainanıñ tamır halqı olaraq ve onıñ öz kelecegini belgilemek aqqınıñ yerine ketirilüvi tanıla. Ukraina kendisi ve halqara cemiyeti Qırımnı Ukrainanıñ bir qısımı olaraq tanığanı içün bu qarar ileride büyük neticeler ketire bile. Vesiqada, Ukraina qırımtatar halqınıñ Meclisini – icra organı, Qurultaynı da – vekâlet organı olaraq qbul etkeni qayd etile», – dep VATN izaat bere.
Assambleya bütün donya qırımtatarlarnı qabul etmek kerek olğanını bildire ve bunıñ içün Avropa Şurası, BMT, yetekçi devletleri elçihanelerniñ yanında barışıq mitinglernen irişmek mümkün, dep saya. «İşğalçiler tarfından keçirilgen «referendum» bir külünçli numayıştır, amma aqibetleri pek facialıdır», – qayd ete Assambleya.
VATN – dünyada olğan türkiy halqlar grajdanları, teşkilâtlarnı birleştirgen cemaat teşkilâtıdır. O 1991 senesi Qazanda meydanğa ketirildi. Umumen alğanda, VATN-nıñ 5 Qurultayı ötkerildi: Moskva, Qazan, Çeboksarı, İzmir ve Şımkentte keçirildi, reisi olaraq akademik, Qazahistannıñ cemaat erbabı, iş-adamı Yermentay Sultanmurat saylandı.
Faaliyetniñ esas noqtaları – türkiy halqlarnıñ birleşüvini temin etken, türkiy an-anelerniñ teşviqatı, olarnıñ esasında cemaatnıñ inkişafıdır. Bugünki künde türkiy halqlar qorantasına 40 ziyade halq kire, ve umumen, 200 milliondan ziyade insannı teşkil ete.
